يتالياندىق ءانشى قازاقتارمەن بىرلەسىپ انىنە بەينەبايان ءتۇسىردى - كەسكىن

بۇل تۋرالى قازاقپارات تىلشىسىنە PR-مامان جاننا پراشكيەۆيچ ايتتى.

مۋزىكا يتالياندىق ديدجەي Jurij-بەن بىرىگىپ جازىلعان.

بەينەبايان لانزاروت (كانار ارالدارى، يسپانيا) ارالىندا تۇسىرىلگەن. ارال ۆۋلكانداردىڭ اتىلۋىنان قالىپتاسقان. جاڭا تۋىندى ءانشىنىڭ ءوز ەلىنە، تۋعان جەرىنە دەگەن ساعىنىشىن كورسەتەدى. الايدا، انشىگە جولىن جالعاستىرۋعا تۋرا كەلەدى.

 نەگىزگى ءاندى جاس كومپوزيتور، ءانشى مۋلتينسترۋمەنتاليست ءاسيا وسپانوۆا مەن سون پاسكال ورىندايدى. ول قازىر قازاق ۇلتتىق ونەر اكادەمياسىندا فورتەپيانو كلاسىندا وقىپ جاتىر. قوبىزدىڭ پارتياسىن وسى اكادەميانىڭ ستۋدەنتى ءىلياس شارمولدانوۆ ورىندايدى.

«وسى ارالدا جەر عالامشارىنا ءتان ەمەس كەرەمەت لاندشافتاردى كوردىك. وزگە پلانەتادا جۇرگەندەي كۇي كەشتىك. بەينەباياندا ءبىز كومەتالاردىڭ شابۋىلىن كورسەتتىك. نەگىزگى يدەيا قورشاعان ورتاعا ۇقىپپەن قاراپ، ءوز جولىڭدى اداسپاي تابۋدى كورسەتەدى»، - دەدى ءانشى سون پاسكال.

جاڭا بەينەباياننىڭ تۇساۋى گاككۋ- ت ۆ ارناسىندا كەسىلدى.

«ساپالى، وتاندىق مۋزىكالىق ونىمدەر ءبىزدىڭ ارنادا ۇلكەن قولداۋعا يە بولادى. ولار ءجيى روتاتسيالانادى. جاقسى جۇمىستار رەيتينگ كوتەرەتىنى بەلگىلى. ول سانداردان-اق بايقالادى»، - دەدى GAKKU ارناسىنىڭ باس پروديۋسەرى تيمۋر بالىمبەتوۆ.

اۆتور: گۇلميرا عوسمانالي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى