اقپاندا بەنزين تاعى ارزانداۋى مۇمكىن - ەنەرگەتيكا ءمينيسترى

بۇنداي پىكىرىن ۆەدومستۆو باسشىسى ماجىلىستەگى ۇكىمەت ساعاتىنان كەيىن جۋرناليستەرگە بەرگەن سۇحباتىندا مالىمدەدى.

توقتالا كەتەتىن جايت، باعا شەگىن بەلگىلەيتىن مينيسترلىك بىلتىرعى جىلدىڭ جەلتوقسان ايىندا ا ي-92 ماركالى بەنزينگە باعانى تومەندەتكەن. «وسىعان وراي، قازىر ەڭ كوپ سۇرانىسقا يە بەنزيننىڭ باعاسى 109 تەڭگەدەن ساتىلىپ جاتىر، ءبىرقاتار وبلىستاردا بۇدان دا تومەن. جالپى، ءبىز باعا بەلگىلەگەندە ودان اسىرۋعا بولمايتىن شەكتى بەلگىلەيمىز، ال تومەندەتۋگە بولا بەرەدى، مەملەكەت ءاربىر جانارماي بەكەتتەرىنە باعا بەلگىلەپ بەرە المايدى عوي. تەك باعانىڭ جوعارىلاپ كەتپەيتىن شەگىن بەلگىلەيدى. اقپان ايىندا بەنزين باعاسى ارزاندايدى دەپ ۇمىتتەنەمىن. قازىرشە 4 وبلىستا باعانىڭ تومەندەۋى بايقالادى. ياعني، بەنزينگە شەكتى باعانى تومەندەتۋ قاراستىرىلىپ جاتىر»، - دەدى ەنەرگەتيكا ءمينيسترى.

سونىمەن قوسا، ۆەدومستۆو باسشىسى ارزان رەسەيلىك بەنزيننىڭ نارىقتى جاۋلاپ الۋ ىقتيمالدىعىنان قاۋىپتەنەتىنىن دە العا تارتتى. «بۇل ماسەلەنىڭ جول بەرۋگە بولمايتىن تۇستارى دا بار. ەكىنشى جاعىنان نارىققا باسقا جەتكىزۋشىلەردى كىرگىزبەيتىن بولساق، وندا جانارماي تاپشىلىعى دا بولۋى مۇمكىن. ءبىز 30 پايىز بەنزيندى رەسەيدەن تاسيمىز. رەسەيدە باعانى «قولمەن باسقارۋ» ءجۇرىپ جاتىر. ءبىز وسىنى قاداعالاپ، ءبىرىڭعاي كۆوتا بەلگىلەۋ، ءبىرىڭعاي ەنەرگەتيكالىق تەڭگەرىمدىلىك بويىنشا كەلىسىمگە كەلىپ وتىرۋعا ءتيىسپىز»، - دەدى ۆ. شكولنيك.

اۆتور: قانات مامەتقازى ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى