رەسەيدىڭ ارزان بەنزينى قازاقستاندىق زاۋىتتارعا قاۋىپ ءتوندىرىپ تۇر - ۆ. شكولنيك

«قازىر بىزدە ەكى ماسەلە بار: ەگەر رەسەيدەن ارزان بەنزين قازاقستانعا اعىلسا - بۇل ءبىر جاعىنان جاقسى. وسى جاعداي بولىپ تا جاتىر. ءبىز اي-92 ماركالى بەنزينگە شەكتى باعانى ليترىنە 109 تەڭگەگە بەلگىلەدىك، ال كەيبىر ماي قۇيۋ بەكەتتەرىندە باعا بۇدان دا تومەن. الايدا، بۇل ارزان بەنزين ءبىزدىڭ زاۋىتتارىمىزدى توقتاتىپ، جۇمىس ورىندارىن جاۋىپ تاستاۋى ىقتيمال»، - دەدى مينيستر شكولنيك.

ونىڭ مالىمەتتەرىنە قاراعاندا، بۇگىنگى كۇنى رەسەيدەن قازاقستانعا كەلىپ جاتقان اي-92 ماركالى بەنزين شامامەن 30 پايىزدى قۇراپ وتىر. سونىمەن قاتار، ءمينيستردىڭ دەرەگى بويىنشا قازاقستانداعى قويمالاردا ديزەلدىك وتىنمەن 350 مىڭ توننا جانە اي-92 ماركالى بەنزينمەن 250 مىڭ تونناعا جينالعان. جازعى كەزەڭگە قور جيناۋ جاعدايلارى دا كەزدەسەدى.

«كەتپەننىڭ ەكىنشى باسىن تاعى دا باسىپ قالماۋدى قالار ەدىك. ويتكەنى، وسى ماسەلەنى توقتاتاتىن نەمەسە اۆتوماتتى تۇردە رەتكە كەلتىرەتىن قانداي دا ءبىر تەتىك، فورمۋلا تابۋ ازىرشە قيىنعا سوعىپ تۇر. ءبىز ەڭ باستى كورشىمىز رەسەيدەن اي-92 ماركالى بەنزيننىڭ 30 پايىزىن 2016 - جىلى قازاقستانداعى زاۋىتتاردى جاڭعىرتىپ بىتكەنشە تاسىپ اكەلىپ، تۇتىنامىز، ال وسى ۋاقىتقا دەيىن بۇل زاۋىتتار قولمەن باسقارۋ رەجىمىندە. سونداي- اق، رەسەيدىڭ دۋماسى ماقۇلداعان سالىق سالۋ ءتاسىلى ءالى قولدانىسقا ەنگەن جوق. سوندىقتان دا، ءبىزدىڭ ۆەدومستۆو وسى ماسەلەنى وڭتايلى شەشەتىن «التىن ارالىقتى» ىزدەۋدە»، - دەدى ۆ. شكولنيك.

مينيستر سونىمەن قاتار، بۇگىنگى كۇنى وسى قاتىناستاردى رەتتەپ، ماسەلەنى اقىلعا قوناتىن دالىزدە ۇستاپ تۇرۋ باعىتىندا جۇمىستار اتقارىلىپ جاتقانىن العا تارتتى. ونىڭ سوزىنە قاراعاندا، بۇگىن رەسەيدىڭ ەنەرگەتيكا مينيسترلىگىنەن دەلەگاتسيا كەلەدى. وندا وسى ماسەلە دە ءسوز بولماق. ء«بىر جاعىنان ءبىزدىڭ زاۋىتتاردى توقتاتىپ الماس ءۇشىن، ەكىنشى جاعىنان ارزان بەنزيننىڭ جەتكىلىكتى كولەمىن قامتاماسىز ەتۋ ءۇشىن نە ىستەۋ كەرەك؟ بۇل جاعدايدى قالاي رەتتەيمىز؟ ءبىز وسى ماسەلەمەن اينالىسىپ جاتىرمىز»، - دەدى ەنەرگەتيكا ءمينيسترى.

اۆتور: قانات مامەتقازى ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى