سەرىك احمەتوۆتىڭ ءولىمى تۋرالى قاۋەسەت تاراتقان ادام ۇستالدى

22- قاڭتار كۇنى جامبىل وبلىستىق ۇ ق ك دەپارتامەنتىنە اقپاراتتىق-كوممۋنيكاتسيا جەلىلەرىندە بۇرىنعى قورعانىس ءمينيسترى سەرىك احمەتوۆتىڭ ءولىمى تۋرالى جالعان اقپاراتتى تاراتۋ دەرەگى تۋرالى ماتەريال كەلىپ ءتۇستى. «ءى ءى د جانە ۇ ق ك د قىزمەتكەرلەرىنىڭ قولعا العان شارالارى بارىسىندا كوگەرشىن اۋىلىندا تۇراتىن 1990-جىلى تۋعان بايشەمىروۆ ۇستالدى. مويىنداۋ جاۋابىن بەردى. بايشەمىروۆ «ۆكونتاكتە» جەلىسىندە «رۋسلان ماەكەيەۆ» دەگەن اتپەن جالعان اككاۋنت اشىپ، سەرىك احمەتوۆتىڭ ءولىمى تۋرالى اقپاراتى بار پوست ورنالاستىرعان»، - دەلىنگەن اقپاراتتا. ۇستالعان ادامنىڭ كومپيۋتەرى مەن تەلەفونى تاركىلەندى. «كوپە-كورىنەۋ جالعان اقپاراتتى تاراتۋ» بابىمەن قىلمىستىق ءىس قوزعالدى.

ءۇي قاماۋىندا وتىرعان سەرىك احمەتوۆتىڭ سۋيتسيد جاساعانى تۋرالى قاۋەسەت 9- قاڭتاردا الەۋمەتتىك جەلىلەردە تاراي باستاعان ەدى. كەلەسى كۇنى قاراعاندى وبلىسى مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل دەپارتامەنتى بۇل اقپاراتتى جوققا شىعاردى. دەپارتامەنتتىڭ ءبولىم باسشىسى ديدار سماعۇلوۆتىڭ ايتۋىنشا، سەرىك احمەتوۆ قاراعاندىدا ءوز ۇيىندە جاتىر. مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگى قىزمەتكەرلەرى وعان كۇنى-ءتۇنى باقىلاۋ جۇرگىزىپ وتىر. ايىپتالۋشىعا تەرگەۋشىنىڭ رۇقساتىنسىز بىرەۋلەرمەن سويلەسۋگە تىيىم سالىنعان.

«بۇرىنعى قورعانىس ءمينيسترى سەرىك احمەتوۆتىڭ ءولىمى تۋرالى جالعان اقپارات تاراتۋ دەرەگى بويىنشا تەكسەرۋ جۇرگىزىلىپ جاتىر. الەۋمەتتىك جەلىدە جالعان اقپارات تاراتقان ادامدارعا قاتىستى قىلمىستىق جاۋاپكەرشىلىككە تارتۋعا دەيىن شارالار قولدانىلاتىن بولادى»، - دەپ حابارلاعان بولاتىن سول كەزدە دەپارتامەنت وكىلدەرى.

بۇعان دەيىن ق ر بۇرىنعى قورعانىس ءمينيسترى سەرىك احمەتوۆتىڭ ءۇي قاماۋىندا ءۇشىنشى ايعا قالاتىنى حابارلانعان ەدى. وسىلايشا بۇرىنعى مينيستر 2015-جىلدىڭ 18- اقپانىنا دەيىن ءۇي قاماۋىندا وتىرادى. ەسكە سالا كەتەيىك، سەرىك احمەتوۆ بيۋجەت قاراجاتىن اسا ءىرى كولەمدە جىمقىردى دەپ ايىپتالىپ وتىر. تەرگەۋدىڭ مالىمەتىنشە، ول قىلمىستى قاراعاندى وبلىسىنىڭ اكىمى بولىپ قىزمەت ىستەگەن كەزدە جاساعان. ول ءوز كىناسىن مويىندامايدى. سەرىك احمەتوۆ وتكەن جىلدىڭ 22- قازانى كۇنى قورعانىس ءمينيسترى قىزمەتىنەن ءوز ەركىمەن كەتكەن بولاتىن.

tengrinews.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى