مۇحاممەد ءاليدىڭ تاعى ءبىر قولعابى ءباسساۋداعا قويىلدى

ساتىلىم 21- اقپان كۇنى نيۋ-يورك قالاسىنداعى Heritage Auctions ءباسساۋدا ۇيىندە وتەدى. مۇحاممەد ءاليدىڭ سونني ليستونعا قارسى وتكىزگەن جەكپە-جەگىندە كيگەن چەمپيوندىق قولعابىنىڭ قۇنى ازىرگە 500 مىڭ ا ق ش دوللارىنا باعالانىپ وتىر.

بۇل قولعاپ ءالي مەن ليستون اراسىنداعى جەكپە-جەك الدىندا ارنايى تاپسىرىسپەن تىگىلگەن. 1965-جىلى 25- مامىردا وتكەن جەكپە-جەك 17 سەكۋندتقا عانا سوزىلعان. ءالي اسقان جىلدامعىنىڭ ارقاسىندا ءبىرىنشى راۋندتا-اق قارسىلاسىن نوكاۋتقا جىبەرگەن ەكەن.

2014-جىلدىڭ تامىز ايىندا مۇحاممەد ءالي ەڭ العاش جەڭىلگەن جەكپە-جەگىندە كيىپ شىققان قولعاپ ءباسساۋدا دا ساتىلعان بولاتىن. «عاسىر جەكپە-جەگى» دەپ اتالعان كەزدەسۋدە كيگەن قولعاپ $388 مىڭ دوللارعا ساتىلدى.

مۇحاممەد ءالي - بۇگىنگە دەيىن جىل بوكسشىسى اتاعىنا 5 رەت يە بولعان جالعىز سپورتشى سانالادى. ول تەك سپورتتا عانا وزا شاۋىپ قويماي، قوعامدىق ومىرگە دە بەلسەنە ارالاسىپ، ادامزاتقا پايدالى يگىلىكتى جۇمىستار جاساپ، الەم حالقىنىڭ ماحابباتىنا بولەندى.

massaget.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى