گيننەستىڭ رەكوردتار كىتابىنا ەنگەن قىزىلوردالىق اقساقال

 ونىڭ ومىراۋىندا دەنە شىنىقتىرۋ سپورتىن دامىتۋدا سىڭىرگەن ەڭبەگى ءۇشىن «قۇرمەت بەلگىسى» وردەنى مەن «حالىق اعارتۋ ءىسىنىڭ ۇزدىگى»، «ك س ر و سپورت شەبەرى»، «عاسىر سپورت تارلانى»، «سپورت ارداگەرى» بەلگىلەرى جارقىرايدى. بۇل تۋرالى قارماقشى اۋداندىق اكىمدىگىنىڭ باسپا ءسوز قىزمەتى حابارلايدى.

 كوپ جاندارعا بۇيىرا بەرمەيتىن وسىناۋ سپورت اتاقتارىن يەلەنگەن جاربوسىن قارت كىسىلەر اراسىندا وتكىزىلەتىن جارىستارعا ەلەڭدەپ وتىرادى. رەتى كەلسە جول جۇرۋدەن شارشامايدى. وتكەن جىلدىڭ تامىز ايىندا بەلورۋسسيانىڭ ۆيتەبسك قالاسىندا گىر كوتەرۋدەن وتكەن دۇنيەجۇزىلىك Ⅱوليمپياداعا بارىپ قايتتى. ول ارادا تەك وليمپيادا عانا ەمەس، رەسەي مەن بەلورۋسسيا مەملەكەتتەرىنىڭ ۇيىمداستىرۋىمەن لومونوسوۆ پەن ۋشاكوۆ اتىنداعى حالىقارالىق تۋرنير، ۆيتەبسك وبلىسى گۋبەرناتورىنىڭ كۋبوگى ءۇشىن سايىس ءوتتى. وسى ساپارىندا جاربوسىن قۇنداقبايەۆ بارلىعى 7 مەدال ولجالاپ قايتتى. ونىڭ بەسەۋى وليمپيادانىڭ التىنى بولاتىن. وسى جولى 75-90 جاس ارالىعىنداعى قارتتار اراسىندا سالماعى 10 كەلى تارتاتىن گىر تاسىن 2 مينۋت ىشىندە 70-80 رەت سەرپي كوتەرۋ باسەكەسى تىگىلگەن بولاتىن- دى. جاربوسىن اعانىڭ الدىنا ەشكىم تۇسە المادى.

 - جارىسقا قاتىسقان سپورتشىلاردىڭ الدىمەن 70-79 جاس، سوسىن 75-90 جاس ارالىعىنداعىلارىن توپتاپ شىعاردى، - دەيدى جاربوسىن ءابسات ۇلى. - ماعان وسى جولى رەسەي مەن بەلارۋس قالالارىندا قارت سپورتشىلار اراسىندا گىر كوتەرۋدەن وتكەن الەمدىك دودالاردا بىرنەشە رەت الەم چەمپيونى اتانعانىم ءۇشىن گيننەستىڭ رەكوردتار كىتابىنا ەنۋگە سەرتيفيكات تابىس ەتىلدى.

 اۆتور: ەلۋباي اۋەزوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى