كوكشەتاۋدا «سيقىرلى قار قالاشىعى» بايقاۋىنىڭ قورىتىندىسى شىعارىلدى - فوتو
ءبىر ايعا سوزىلعان بايقاۋعا وبلىس ورتالىعىنداعى نازاربايەۆ زياتكەرلىك مەكتەبىنىڭ وقىتۋشىلارى مەن وقۋشىلارى، كوكشەتاۋ تەحنيكالىق ينستيتۋتىنىڭ كۋرسانتتارى جانە «پسيحونەۆرولوگيالىق جانە تىرەك قيمىل- اپپاراتى فۋنكتسيالارى بۇزىلعان بالالارعا ارنالعان كوكشەتاۋ مەديتسينالىق- الەۋمەتتىك مەكەمەسى» م م ۇجىمى مەن اتا-انالارى قاتىستى.
اكسيا بارىسىندا قاتىسۋشىلار قاردان ءتۇرلى مۇسىندەر مەن جانۋارلاردىڭ بەينەسىن جاسادى.
«قىس بالالار ءۇشىن جاڭا جىلدىق ەرتەگىلەرمەن وزىنە باۋراپ الاتىن جىلدىڭ ەرەكشە سيقىرلى مەرزىمى. بۇل جولعى اكسيامىزدىڭ ماقساتى دا وسى سيقىرلى قار قالاشىعىن سالۋ ارقىلى بۇلدىرشىندەرگە قۋانىش سىيلاۋ بولىپ تابىلادى. قاتىسۋشىلاردىڭ بارلىعى قىستىڭ سۋىعىنا قارماستان ءوز ونەرلەرىن ورتاعا سالدى»، - دەيدى «پسيحونەۆرولوگيالىق جانە تىرەك قيمىل- اپپاراتى بۇزىلعان بالالارعا ارنالعان كوكشەتاۋ مەديتسينالىق- الەۋمەتتىك مەكەمەسى» م م باسشىسى رىستى بايماعامبەتوۆا.
بايقاۋ قورتىندىسىندا ساي بارلىق قاتىسۋشىلار ۇيىمداستىرۋشىلار تاراپىنان «مەگا قۇرىلىس»، «كورەرمەن كوزايىمى سىيلىعى»، «ەرەسەكتەر مەن بالالار دوستىعى» جانە «كرەاتيۆ جانە يننوۆاتسيا» نوميناتسيالارى بويىنشا ماراپاتتالدى.
اۆتور: اسلان وسپانوۆ
