ش ق و باس مەشىتى قارىزعا بەلشەدەن باتىپ، وزىنە قول سالماق بولعان ايەلدىڭ كرەديتىن جاۋىپ بەردى

ۋكسۋس ءسىلتىسىن ىشكەن شەمونايحا ەلدى مەكەنىنىڭ 34 جاستاعى تۇرعىنى 3 - قاڭتار كۇنى اۋداندىق اۋرۋحاناعا جەتكىزىلگەن بولاتىن. پوليتسيا قىزمەتكەرلەرى ول مۇنداي قادامعا كرەديت قارىزدارىن جابا الماي، ابدەن تارىققان سوڭ بارعاندىعىن ايتقان.

- گۇلجاناتتىڭ باسىنداعى تاۋقىمەتتى ەستىسىمەن وعان جاردەمدەسۋگە كىرىستىك، - دەيدى وبلىستىڭ باس يمامى نۇرلان حاجى اسانوۆ. - ونىڭ مەكتەپ جاسىنا جەتپەگەن ەكى بالاسى بار ەكەن. ءبىز سوندىقتان ايەلدىڭ تاعدىرىنا بەي-جاي قاراي المادىق، باسىنداعى ەكى كرەديتتى دە جاۋىپ بەردىك.

ەكى بالانىڭ اناسىن تىعىرىققا تىرەگەن قارىز مولشەرى دە اناۋ ايتقانداي ۇلكەن سوما بولماعان - ەكى كرەديتتى قوسقاندا 400 مىڭ تەڭگەنى قۇراعان. الايدا ونىڭ ۇستەمە پايىزدىق مولشەرى وتە جوعارى بولعاندىقتان ايەل قارىزىن جاۋىپ بىتەمىن دەگەن ۇمىتتەن ايرىلعان.

يمامنىڭ سوزىنشە، گۇلجانات اۋرۋحانادان شىعا سالىسىمەن مەشىتكە كەلگەن كورىنەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى