قازاقستان قىتايعا ەلەكتر ەنەرگياسىن ەكسپورتتاۋ مۇمكىندىكتەرىن قاراستىرىپ جاتىر

بۇل تۋرالى بۇگىن ماجىلىستەگى ۇكىمەت ساعاتىندا ەنەرگەتيكا ءمينيسترى ۆلاديمير شكولنيك ءمالىم ەتتى.

ءمينيستردىڭ سوزىنە قاراعاندا، قازاقستاننىڭ ەنەرگەتيكاسىن ەكسپورتتاۋ الەۋەتىن ارتتىرۋ ماقساتىندا پەرسپەكتيۆالىق باعىتتار قارالىپ جاتىر.

«بۇنداعى ماڭىزدى باعىتتاردىڭ ءبىرى ەكىباستۇزدان شىنجاڭ- ۇيعىر اۆتونومياسىنداعى حامي قوسالقى ستانساسىنا دەيىنگى ارالىقتى قامتيتىن ەلەكتر جەلىسى قۇرىلىسىن سالۋ بولىپ وتىر. وندا تۇراقتى جەلى بويىنشا (+/- ) 700 ك ۆ ت كەرنەۋلىكتى قامتۋعا بولاتىن ەدى. ال بۇنىڭ ءوزى قازاقستاننىڭ 6 گ ۆ ت ەلەكتر ەنەرگياسىن قىتايعا ەكسپورتتاۋعا مۇمكىندىك بەرەر ەدى»، - دەيدى مينيستر.

 ونىڭ سوزىنە قاراعاندا، كۇردەلى بولعانىنا قاراماستان، بۇل باعىتتا كەلىسسوزدەر ءجۇرىپ جاتىر. سونىمەن قاتار، ۆەدومستۆو باسشىسى اتالمىش جوسپاردىڭ قازاقستاندىق ەكسپورتتى الەۋەتتى ەتە تۇسۋگە، بيۋدجەتتى تولىقتىرۋعا مۇمكىندىگى زور ەكەنىن العا تارتادى.

اۆتور: قانات مامەتقازى ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى