الماتى وبلىسىنىڭ اكىمىنە «قوعامدىق ءتارتىپتى ساقتاعانى ءۇشىن» مەدالى تاپسىرىلدى
«مەملەكەت باسشىسى نۇرسۇلتان ءابىش ۇلى نازاربايەۆ حالىقتىڭ قاۋىپسىزدىگى، تۇراقتىلىق پەن كەلىسىم الەۋمەتتىك- ەكونوميكالىق جانە رۋحاني دامۋدىڭ كەپىلى بولىپ تابىلاتىنىن ەرەكشە ايتىپ ءجۇر. ءبىز ءوز جۇمىسىمىزدا قوعامدىق ءتارتىپتى نىعايتۋعا جانە قىلمىستىڭ الدىن الۋعا ۇلكەن كوڭىل ءبولىپ وتىرامىز. اتقارۋشى بيلىك جانە قۇقىق قورعاۋ ورگاندارى، قوعامدىق ۇيىمدار قىلمىسپەن كۇرەستى ءوزارا تىعىز ءىس- قيمىلدا جۇرگىزۋدە» ، - دەپ اتاپ كورسەتتى ا. باتالوۆ.
ءوڭىر باسشىسى ىشكى ىستەر ورگاندارىنىڭ ماتەريالدىق- تەحنيكالىق بازاسىن نىعايتۋ ماسەلەلەرىنە ەگجەي- تەگجەيلى توقتالدى.
«2014 - جىلى وبلىس بيۋدجەتىنەن 1 ميلليارد 867 ميلليون تەڭگە ءبولىندى. ءى ءى د- ءنىڭ 6 نىسانىنا كۇردەلى جوندەۋ جۇرگىزىلدى، «ارلان» ارنايى جاساعىنا عيمارات بەرىلدى، 104 بىرلىك قىزمەتتىك اۆتوموبيلدەر ساتىپ الىندى، سونداي- اق 20 بەينەباقىلاۋ كامەرالارى ورناتىلدى. سونىڭ ناتيجەسىندە جالپى قىلمىس تومەندەدى، سونىڭ ىشىندە اۋىر جانە اسا اۋىر قىلمىستار ازايدى. ولاردى اشۋ كورسەتكىشى ءوستى. بۇل جۇمىس ودان ءارى جالعاستىرىلىپ، بارلىق باعىتتار بويىنشا كۇشەيتىلەدى»، دەپ اتاپ ءوتتى ا. باتالوۆ.
سونىمەن قاتار ءوڭىر باسشىسى ءوز سوزىندە ينتەللەكتۋالدىق جۇيەلەردى ساتىپ الۋعا، بەينەباقىلاۋ كامەرالارىنىڭ سانىن ۇلعايتۋعا جانە «اقىلدى قالا» جۇيەسىنە كوشۋ، وبلىستىڭ ەلدى مەكەندەرىن اباتتاندىرۋ مەن سانيتارلىق تازالاۋ جۇمىستارىنا ەرەكشە كوڭىل ءبولۋ قاجەتتىگىن ايتتى.
كەڭەس سوڭىندا ءوڭىر باسشىسى قىزمەت بارىسىندا ەرەكشە كوزگە تۇسكەن ءى ءى د قىزمەتكەرلەرىنە وبلىس اكىمىنىڭ قۇرمەت گراموتالارىن تاپسىردى.
سونىمەن بىرگە 11 قىزمەتكەر «ۇزدىك تەرگەۋشى»، «ۇزدىك كادر قىزمەتكەرى»، «ۇزدىك كريميناليست» جانە باسقا اتالىمدار بويىنشا ماراپاتتالدى. ولارعا ەسكەرتكىش سىيلىقتار تاپسىرىلدى.
