ورالدا جاسالعان العاشقى ۇشاق سىناقتان ءوتتى

 امەريكاندىق Lancair IV كومپانياسىنىڭ ليسەنزياسى بويىنشا جاسالعان ۇشاقتىڭ قولدانىلۋ اياسى كەڭ. كومپوزيتتىك ماتەريالداردان جاسالعاندىقتان، سالماعى جەڭىل، نەبارى 1 توننادان ءسال عانا اسادى.

مامانداردىڭ ناقتىلاۋىنشا، تاپسىرىستىڭ تۇسۋىنە قاراي مۇنداي ۇشاقتى ءبىر ايدىڭ ىشىندە قۇراستىرۋعا بولادى. قۋاتى 700 جىلقى كۇشىنە تەڭ ۇشاق سەنىمدى، ءۇش جولاۋشىعا ەسەپتەلگەن. ۇشاق 2 مىڭ شاقىرىمعا ۇشىپ بارا الادى، جىلدامدىعى - ساعاتىنا 500 ك م. ول ساعاتىنا 160 ليتر جانار ماي جۇمسايدى. اۋەدە 5 ساعاتقا دەيىن ۇشا الادى. كوككە كوتەرىلىپ كەتۋى ءۇشىن ۇزىندىعى 300 مەتردەي ۇشۋ جولاعى دا جەتكىلىكتى. ورالدا جاسالعان العاشقى ۇشاقتىڭ قۇنى 800 مىڭ ا ق ش دوللارى شاماسىندا.

 قۇراستىرۋ جۇمىستارى 2011 - جىلى باستالىپ، بىلتىر قاراشا ايىندا اياقتالدى. «اۆياتسيالىق تالاپقا سايكەس، اۋە كولىگىن كوممەرتسيالىق ماقساتتا پايدالانۋ جوسپاردا جوق»،  - دەيدى كاسىپورىن باسشىسى.

 ءالىبي احمەتجانوۆ، «باتىس قازاقستان ماشينا جاساۋ كومپانياسى» اق- نىڭ باس ديرەكتورى:

- بۇل ۇشاق - سىناق تۇرىندەگى العاشقى تەحنولوگيالىق جوبانىڭ جەمىسى. ءبىز ونى قۇراستىرۋعا كەتكەن 3  جىلدا ءبىراز تاجىريبە جينادىق. تۋربوقالاقتى ۇشاقتىڭ سيپاتتاماسى بىرەگەي، سايكەسىنشە، ەكيپاج مۇشەلەرى دە كاسىبي ماماندار. ەسكەرەتىن جايت، بۇل ۇشاققا ەشقانداي دا مەملەكەت قارجىسى جۇمسالعان جوق. بۇل ۇشۋ قۇرالى ەڭ سوڭعى ۇلگىدەگى ناۆيگاتسيالىق قوندىرعىلارمەن جابدىقتالعان. ونداعى قازاقستاندىق ۇلەستىڭ كولەمى - 80 پايىز.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى