ي. تاسماعامبەتوۆ ق ر ق ك اسكەري- تەڭىز كۇشتەرىنىڭ تۋىن كاپيتان- لەيتەنانت رۇستەم جۇنىسوۆكە تابىس ەتتى

 دەپ حابارلادى قورعانىس مينيسترلىگىنىڭ باسپا ءسوز قىزمەتىنەن.

ق ر قورعانىس ءمينيسترى يمانعالي تاسماعامبەتوۆ ق ر  ق ك اسكەري- تەڭىز كۇشتەرىنىڭ تۋىن كەمە كومانديرى كاپيتان- لەيتەنانت رۇستەم جۇنىسوۆكە تابىس ەتتى.

«ەڭ باستىسى، «سارى ارقا» - وتاندىق ءوندىرىستىڭ ءتول ءونىمى. ەگەمەندىك جىلدارى الەۋەتى ارتىپ، ەكونوميكاسى اسقاقتاعان، سول ارقىلى قورعانىسىن قامداپ، قاۋىپسىزدىگىن ارتتىرعان مەملەكەتىمىزدىڭ اقتالعان مەرەيى. كۇندىز- ءتۇنى تۋعان ەلىمىزدىڭ، ءار ءۇيىمىزدىڭ ءتۇزۋ ءتۇتىنى مەن كەڭ- بايتاق جەرىمىزدىڭ بۇتىندىگىن ويلاعان ەلباسىنىڭ سارابدال ساياساتىنىڭ جەمىسى.

 مۇنىڭ ءوزى - بەس قارۋىن اسىنىپ، بولاشاقتا وسىناۋ اسكەري كەمەنىڭ داڭقىن اسىراتىن تەڭىزشىلەرىمىز ءۇشىن زور مارتەبە عانا ەمەس، ۇلكەن جاۋاپكەرشىلىك. ەلباسى الدىنداعى ابىرويلى پارىز، ەل الدىنداعى باياندى بورىش!»، - دەدى ق ر قورعانىس ءمينيسترى يمانعالي تاسماعامبەتوۆ.

سونىمەن قاتار، مينيستر جينالعانداردى قۇتتىقتاي كەلە: «ءوز باسىم سىزدەردىڭ بۇل مىندەتتىڭ ۇدەسىنەن شىعىپ، وزدەرىڭىزگە تاپسىرىلعان وسى جالاۋدى بيىك ۇستايتىندارىڭىزعا سەنىمدىمىن. ەندەشە بارشا اسكەري تەڭىزشىلەردى، وسى «سارى ارقا» كەمەسىن جاساعان وتاندىق «زەنيت» زاۋىتىنىڭ بۇگىنگى مەرەيلى ساتپەن شىن جۇرەكتەن قۇتتىقتايمىن. بارشاڭىزعا زور دەنساۋلىق، اسكەري قىزمەتتەرىڭىزگە تولاعاي تابىستار تىلەيمىن.»، - دەدى.

اسكەري- تەڭىز بازاسىنىڭ جەكە قۇرامى اقتاۋ قالاسى تەڭىز پورتىنىڭ №7 تۇراعىندا ساپ تۇزەدى. سالتاناتتى راسىمگە ۇلى وتان سوعىسىنىڭ ارداگەرلەرى، وقۋشىلار مەن ستۋدەنتتەر، اسكەري بولىمدەردىڭ جەكە قۇرامى قاتىستى.

ەستەرىڭىزگە سالا كەتەيىك، «سارى ارقا» - باتىس قازاقستان وبلىسىنداعى ورال قالاسىنىڭ «زەنيت» زاۋىتىندا قۇراستىرىلعان زىمىراندىق- ارتيللەريالىق كەمە. كەمە 2014 - جىلى سۋعا تۇسىرىلگەن.

ەلىمىزدىڭ تەڭىز شەكاراسىن كۇزەتۋگە ارنالعان «سارى ارقا» كەمەسى ق ر قارۋلى كۇشتەرىنىڭ تاپسىرىسى بويىنشا جاسالعان بولاتىن. كەمەنىڭ سۋ ىعىستىرعىشتىعى 250 تونناعا جۋىق، ۇزىندىعى 42 مەتر شاماسىندا جانە ەڭ جوعارعى جىلدامدىعى 25-30 ۋزەل، ءجۇزۋ قاشىقتىعى 1200 م ي ل.

بۇل كەمە قازىرگى زامانعى زىمىراندىق- ارتيللەريالىق قارۋ- جاراقپەن، ناۆيگاتسيالىق جانە شتۋرماندىق قوندىرعىلارمەن، سونداي- اق قۋاتتى بايلانىس قۇرالدارىمەن جابدىقتالعان.

«سارى ارقا» زىمىراندىق- ارتيللەريالىق كەمەسىنە ق ر  ق ك اسكەري- تەڭىز كۇشتەرىنىڭ تۋىن تابىس ەتۋ سالتاناتتى ءراسىمى شەڭبەرىندە ماڭعىستاۋ وبلىسىنىڭ اكىمى اليك ايداربايەۆ، سونداي- اق ماڭعىستاۋ وبلىسى ۇلى وتان سوعىسى ارداگەرلەرى كەڭەسىنىڭ ءتوراعاسى وتستاۆكاداعى پولكوۆنيك امانگەلدى عۇماروۆ ءسوز سويلەدى.

 ق ر قورعانىس ءمينيسترى يمانعالي تاسماعامبەتوۆ جۇمىس ساپارى بارىسىندا اۆياتسيالىق بازانى، تەڭىز جاياۋ اسكەرلەرى بريگاداسىن جانە اسكەري- تەڭىز بازاسىن ارالادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى