بەلگىلى «كەشيۋ» توبىنا كەلەتىن جاڭا انشىلەردىڭ ەسىمى انىقتالدى

بۇل جونىندە توپ پروديۋسەرى بايان ەسەنتايەۆا ەكسكليۋزيۆتى سۇحباتىندا توپتىڭ قۇرامى وزگەرەتىنى جانە ايدانانىڭ توپتان كەتەتىندىگىن مالىمدەگەن بولاتىن.

«گەرلز بەند دەگەن سونداي، قۇرامى ۇنەمى وزگەرىپ وتىرادى. بىرەۋ كۇيەۋگە شىعادى، بىرەۋ جۇكتى بولادى، ءبىرى جۇلدىز اۋرۋىنا شالدىعادى، ەكىنشىسى ماحابباتتان باسى اينالىپ قالادى. قىزدار كوللەكتيۆىن ۇزاق ۇستاپ تۇرۋ وڭاي ەمەس، الايدا «Kesh You» بۇگىن پايدا بولىپ ەرتەڭ جوق بوپ كەتەتىن توپ ەمەس ەكەندىگىن قانشا جىلدان بەرى دالەلدەپ كەلەدى. ءبىراق قۇرام وزگەرەدى»، - دەپ ايتقان بولاتىن.

جاقىندا بايان ەسەنتايەۆا ءوزىنىڭ Instagram- داعى پاراقشاسىندا ەكى ءانشى ارۋدىڭ فوتوسۋرەتتەرىن كومەنتاريسىز جاريالادى. ءتىپتى قىزداردىڭ اتى-ءجونى دە بەلگىلەنگەن جوق.

وسى ورايدا قىزدارمەن جاقىنىراق تانىسۋ ماقساتىندا الەۋمەتتىك جەلىلەردەگى پاراقشالارى ىزدەستىرىلگەن. ناتيجەسىندە، بالجان جانە اقبوتا ەسىمدى ەكى ارۋدى عالامتورداعى كوپشىلىك «Kesh You» توبىنىڭ جاڭا قۇرامىندا ونەر كورسەتۋى مۇمكىن دەپ وتىر.

ەگەر ايدانا مەدەنوۆا پروديۋسەرمەن كەلىسىم شارتى اياقتالاتىن بولسا، كامشات جولدىبايەۆا جەكە ءان ايتۋعا كوشپەك.

ماسەلەنىڭ ءمان-جايى وسى ايدىڭ اياعىندا انىق بولادى. وسىلايشا ون جىل ىشىندە توپتىڭ قۇرامى 7-رەت وزگەرمەك. توپتىڭ قۇرامىندا وسى ۋاقىتقا دەيىن انەل ارىنوۆا، زۋمراد گارايەۆا، مارجان مەڭدىبايەۆا، نايليا زايتوۆا، ءمولدىر اۋەلبەكوۆا، جانار دۇعالوۆا سىندى ارۋلار ونەر كورسەتكەن.

NUR. KZ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى