كونە ەۋروپالىقتار ءيت پەن مىسىق ەتىن جەگەن
عالىمدار ەل-ميرادور ۇڭگىرىنەن (سەررا-دە-اتاپۋەركا) تابىلعان جانۋارلار سۇيەگىنەن ادام تىستەرىنىڭ ءىزىن انىقتاعان. بۇل ۇڭگىردى نەوليت پەن قولا داۋىرىندەگى ادامدار ءۇي جانۋارلارىن قامايتىن قورا رەتىندە پايدالانعان دەيدى ارحەولوگتار. ولار ءىرى قارا مال ەتىمەن بىرگە ۇساق ءۇي جانۋارلارىنىڭ دا ەتىن جەگەن كورىنەدى. «ەل-ميرادور ۇڭگىرىندە يتتەردى سويىپ، جىلىكتەپ تاستاعان. ال، سۇيەكتەرىن قايناتىپ جەگەن» دەيدى زەرتتەۋ جۇمىسىن جۇرگىزگەن ارحەولوگ-عالىم پاتريتسيا مارتين.
مارتيننىڭ ايتۋىنشا، ەجەلگى ادامدار ءيت پەن مىسىقتىڭ ەتىن ادەتتە اشىققان كەزدە پايدالانعان. دەگەنمەن، يبەريا تۇبەگىنىڭ تۇرعىندارى ءيت ەتىن اقۋىز ءۇشىن جەۋى دە عاجاپ ەمەس دەيدى ول. ال، مىسىق پەن بورسىقتى اڭشىلىقتان بوس كەلگەن كەزدە ازىق ەتكەن.
Baq.kz
