بۇل داعدارىستىڭ بەس سەبەبى بار
بۇل تۋرالى «جاھاندىق سىناق ۋاقىتى: جاڭا سىن- قاتەرلەر» اتتى دوڭگەلەك ۇستەل بارىسىندا قازاقستان ستراتەگيالىق زەرتتەۋلەر ينستيتۋتى ديرەكتورىنىڭ ءبىرىنشى ورىنباسارى لەيلا مۇزاپاروۆا ءمالىم ەتتى.
- ءبىزدىڭ بىلۋىمىزشە، مۇنىڭ نەگىزگى بەس سەبەبى بار دەپ توپشىلايمىز. ونىڭ ءوزىن اتاپ وتسەك، الدىمەن ەكونوميكالىق سەكتورلار مەن قارجىلىق سالانىڭ دامۋ شاپشاڭدىعىنىڭ ۇيلەسپەۋى. ياعني الەمدە سوڭعى جىلدارى قارجىلىق سالا جەدەل دامۋ ۇستىندە. ەكىنشىسى، وسى اتالعان سالانى جانە وزگە دە جۇيەلەردى ورتالىقتاندىرىپ، رەتتەۋ تەتىگىنىڭ بولماۋى. ءۇشىنشىسى، الەمدىك بيرجادا شيكىزات باعاسىنا قاتىستى تۋىنداعان سۇرانىس پەن ۇسىنىسقا قويىلاتىن باعا ساياساتىنىڭ مىڭ قۇبىلۋى مەن الەمدىك رەيتينگتىك اگەنتتىكتەردىڭ وبەكتيۆسىز رەيتينگتەرىنە نەگىزدەلۋىنەن تۋىنداعان ينۆەستيتسيالىق تالاپتاردىڭ بۇرمالانعان جۇيەسى جانە سوڭعىسى، الەم بويىنشا دامىعان ەلدەردەگى شامادان تىس نەسيەلەندىرۋ تەتىگىنىڭ تىم بەلسەندى قىزمەت كورسەتىلۋىنەن ونى ۋاقىتىلى تولەم جاساي الماي بانكروتتىققا ۇشىراۋ سەبەبىنەن ەكەن. بۇل ەندى بالكىم، ۇساق- تۇيەك ماسەلە بولعانىمەن دە، ەكىنىڭ ءبىرى بىلە قويمايتىنداي دارەجەدە الەم ەكونوميكاسىنا وراسان زور اسەرىن تيگىزىپ جاتقان تەتىكتەر، - دەيدى لەيلا مارات قىزى.
بەرىك بەيسەن ۇلى
«ايقىن»
