استانا تۇرعىنى تاۋلىگىنە ءبىر توننا قىمىز وندىرەتىن قۇرىلعى جاساپ شىعاردى
بۇل اپپاراتپەن سورەلەردە قاپتاپ كەتكەن كوكا-كولانىڭ ورنىن باستاتىنداي مولشەردە قىمىز ازىرلەۋگە مۇمكىندىك بار. كۇنى بۇگىنگە دەيىن ءدارىحانالىق شىنى ىدىستا ازىرلەنەتىن دجون پەمبەرتوننىڭ بۇل گازدالعان سۋسىنى كۇللى الەمنىڭ ءشولىن قاندىرۋعا قاۋقارلى دەپ ايتپاس ەدىم. قىمىزعا كەلسەك، سۋسىن بۇرىنعىشا سابامەن پىسىلەدى.
«كەيبىر وندىرۋشىلەر قىمىز جاساۋ ءۇشىن كىر جۋاتىن ماشينانى پايدالانادى، مەنىڭشە بۇل دۇرىس ەمەس، - دەدى ورازباي نۇرعوجين. - بىردە مەن تانىس فەرمەردە قوناقتا بولدىم. سول كەزدە مەن بۇرىنعىشا قولمەن قىمىز پىسكەن ايەلدەردى كوردىم. ولارعا جانىم اشىدى. قازىر جيىرما ءبىرىنشى عاسىردا ءومىر سۇرەمىز! سونى ەستەن شىعارماعانىمىز ءجون».
ول ازىرلەگەن قۇرىلعىنى ءۇش شارۋاشىلىق قوجالىعى قولدانۋدا. قىمىز پىسەتىن ىدىس اعاشتان جاسالعان. «ساپالى قىمىز ءوندىرۋ ءۇشىن اعاش ىدىس قاجەت، - دەدى ول. - قىمىز اعاش ىدىستا ىستالادى. قىمىزدى ءپىسۋ قولمەن پىسكەننەن ەش ايىرماشىلىعى جوق. مينۋتىنا 37 رەت اينالادى. ءبىر اپپاراتپەن تاۋلىگىنە ءبىر توننا قىمىز وندىرۋگە بولادى».
و. نۇرعوجين قۇرىلعىنى پاتەنتتەگەن. ونى پايدالانۋ ارقىلى قازاقستاندىق نارىقپەن قوسا، شەتەلگە ەكسپورتتاۋ ماسەلەسىن دە شەشۋگە بولادى. باتىس ەلدەرى پايدالى اسقا دەن قويىپ جاتقانىن ەسكەرسەك، بيە ءسۇتى ولاردىڭ سەنىمدەرىن اقتايتىنى ءسوزسىز.
