تۇيمەدەن تۇيەدەي پايدا تاۋىپ وتىر
مۇنداعىلاردىڭ ەسەبى بويىنشا، وسى ۋاقىتقا دەيىن شامامەن 135 ميلليوننان اساتىن تۇيمەنى تۇتىنۋشىلارعا جەتكىزىپ بەرگەن.
جاقىندا جاڭا جابدىق الماقشى. سوندا ءساندى كيىمنىڭ بارلىعىنا جاراساتىن تۇيمە شىعارا باستايدى. سەحتىڭ بۇگىنگى شىعارعان ونىمدەرىن نەگىزىنەن اسكەري، سوسىن ارنايى كيىم تىگەتىن فابريكالار الادى. تۇتىنۋشى ساپاعا قاتتى نازار اۋدارادى. سوندىقتان دا مۇنداعى جۇمىسشىلار ءار تۇيمەنى قاتاڭ تەكسەرۋدەن وتكىزىپ، سوسىن عانا قوراپقا سالادى. ءتۇسى، قالىپقا ساي كەلەتىندىگى - مۇنىڭ بارلىعىن باقىلاپ وتىرۋ ماڭىزدى ماسەلە.
كاسىپكەر اقىلبەك الماتوۆ بۇل بيزنەستى باستاعاندا، ءبىر ستانوگى مەن سەحتا كومەكتەسەتىن 4 جۇمىسشىسى عانا بولعان ەكەن. قازىر ءبىر اۋىسىمنىڭ وزىندە 16 ادام جۇمىسقا شىعادى. الداعى ۋاقىتتا ءوندىرىس كولەمىن 10 ەسەگە دەيىن ارتتىرۋ مۇمكىندىگى تۋادى. ويتكەنى يتاليادان جاڭا ستانوك كەلە جاتىر. ول ءساندى كيىمدى كوركەيتە تۇسەتىن ءتۇرلى تۇيمەلەر شىعاراتىن بولادى.
اقىلبەك الماتوۆ، KAZPLAST ج ش س ديرەكتورىنىڭ ورىنباسارى:
- قازىر ۇكىمەت جەڭىل ونەركاسىپتى بارلىق جاعىنان قولداپ جاتىر. سوندىقتان بولار، بۇل سالا جاقسى وركەندەپ كەلەدى. جاڭادان تىگىن فابريكالارى، وزگە دە شاعىن سەحتار اشىلىپ جاتىر. سولارعا تۇيمە كەرەك بولادى ەمەس پە؟ مىنە، ءبىز سول سۇرانىستى قاناعاتتاندىرۋ ءۇشىن جۇمىس ىستەپ جاتىرمىز.
جاڭا ستانوك شىعاراتىن تۇيمەلەردى كاسىپكەر شەتەلگە دە شىعارىپ ساتۋعا نيەتتى. ويتكەنى ونىڭ ساپاسى جوعارى، ساندىلىگى جاعىنان كوز تارتاتىن جانە باعاسى جاعىنان شەتەلدىكىنەن 20 پايىزعا ارزان بولادى. سەحتا قازىر تەك تۇيمە ەمەس، پلاستماسسا ىدىستاردىڭ نەگىزىن، ءتۇرلى قاقپاقتار دا شىعارىپ جاتىر.
