ي. شۆەدوۆا ءتورتىنشى اينالىمعا وتە المادى

چەمپيونات. كوم سايتىنان الىنعان مالىمەتكە قاراعاندا، العاشقىلاردىڭ ءبىرى بولىپ كورتقا شىققان قازاقستاندىق ياروسلاۆا شۆەدوۆا قىتاي قىزى پەن شۋايمەن شەبەرلىك بايقاستى. اسا تارتىستى وتكەن ويىندا ءبىرىنشى پارتيادا پ. شۋاي تاي-برەيكتە تارازى باسىن وزىنە اۋدارا الدى. ەسەپ - 7:6. ەكىنشى پارتيا دا وسىلاي ءوتىپ جاتتى. ءار گەيمدى ۇتۋ ويىنشىلارعا قيىنعا ءتۇستى. ەسەپ 3:3 بولعان ساتتەن كەيىن جەتىنشى گەيمدى ياروسلاۆا بەرىپ قويدى. بۇدان كەيىن پەن شۋاي دەس بەرمەي، ءۇش گەيمدى قاتار ۇتىپ، 6:3 ەسەبىمەن جەڭىپ كەتتى. دەگەنمەن، بيىلعى چەمپيوناتتا ي. شۆەدوۆا ءبىرشاما ءساتتى ونەر كورسەتتى. وتكەن جىلى ول ءبىرىنشى اينالىمنان اسا الماعان بولاتىن.

ايتا كەتەيىك، الەمدىك ساتىدا 21- ورىندا تۇرعان پ. شۋاي ءتورتىنشى اينالىمدا رەسەيلىك ماريا شاراپوۆا نەمەسە قازاقستاندىق زارينا دياستىڭ بىرەۋىمەن كەزدەسەدى. بۇگىن تاعى ءبىر رەسەيلىك ەكاتەرينا ماكاروۆا چەحيالىق كارولينا پليشكوۆانى جەڭىپ، كەلەسى اينالىمعا جولداما الدى. ال ز. دياس جەكەلەي سىندا قازاقستاننان جالعىز قالدى.

اۆتور: ەلجان ەرالى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى