ساۋد ارابياسىنىڭ كورولى ابداللا دۇنيەدەن ءوتتى

وتكەن ايدا مونارح قابىنۋ سىرقاتىنا ۇشىراپ، اۋرۋحاناعا جاتقىزىلعان بولاتىن. ول ەر-ريادتىڭ كلينيكالارىنىڭ بىرىندە مەديتسينالىق تەكسەرۋدەن ءوتتى. قاڭتار ايىنىڭ باسىندا وعان «وكپە ينفەكتسياسى» دياگنوزى قويىلىپ، اۋرۋحانادان شىقتى، ونىڭ تىنىس الۋىن جەڭىلدەتۋ ءۇشىن ارنايى تۇتىك ورناتىلدى. سوڭعى ءتورت جىلدا ول ومىرتقاسىنا بىرنەشە حيرۋرگيالىق وپەراتسيادان ءوتتى.

ول الەمدەگى ءىس باسىنداعى ەڭ قارت مونارح بولدى. العاشقى ساۋد كورولى ابدۋل-ءازيز ІІ-ءنىڭ وتباسىندا دۇنيەگە كەلدى. مەككە قالاسىنىڭ مەرى، ۇلتتىق گۆارديانىڭ قولباسشىسى، پرەمەر-ءمينيستردىڭ ءبىرىنشى ورىنباسارى بولدى. 1982-جىلدان بەرى مۇراگەر حانزادا، ال 2005-جىلى ءوزىنىڭ قايتىس بولعان اعاسى فاحدتىڭ تاعىنا وتىردى.

ابداللا ءوزىنىڭ دەموكراتيالىق زاڭدارىمەن تانىمال. مىسالعا، ول ءوزىنىڭ العاشقى جارلىقتارىنىڭ بىرىندە كورول وتباسىنا (7 مىڭعا جۋىق ادام) مەملەكەت قازىناسىن پايدالانۋعا تىيىم سالدى. ول سونداي-اق مونارحتىڭ قولىن ءسۇيۋدى الىپ تاستادى، جاي عانا قول الىسۋ جەتكىلىكتى دەپ سانادى.

تاققا وتىرعان سالمان يبن ابدۋل ءازيز ءال-ساۋد 2012-جىلى 18- ماۋسىمدا ابداللانىڭ قايتىس بولعان ەكى تاق مۇراگەرىن اۋىستىرىپ، مۇراگەر حانزادا بولدى. ونىڭ سوڭعى قىزمەتى - ساۋد ارابياسىنىڭ قورعانىس ءمينيسترى. ونىڭ ۇلى سۇلتان - اسكەري ۇشقىش، العاشقى اراب استرونومى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى