الجير قارا التىنعا باعا قۇلدىراۋىنا قاراماستان مۇناي ءوندىرۋدى ۇلعايتپاق
«قازىر ءبىز ونداعان كەنىشتەردى دامىتۋ ۇدەرىسى ۇستىندەمىز. ءبىز ەلدىڭ كىرىستەر دەڭگەيىن قالپىنا كەلتىرۋ ءۇشىن مۇناي ءوندىرۋدى ۇلعايتۋدىڭ بارلىق مۇمكىندىگىن زەردەلەپ جاتىرمىز»، - دەپ مالىمدەدى مينيستر.
بۇگىنگى تاڭدا الجير وپەك كۆوتاسىنا سايكەس كۇنىنە 1,2 ميلليون باررەلگە تارتا مۇناي وندىرۋدە، قارا التىنعا 50 پايىزعا دەيىن باعانىڭ قۇلدىراۋى ەل ەكونوميكاسىنا كەلەڭسىز ىقپال ەتۋدە، دەپ حابارلادى ر ي ا نوۆوستي.
ءال-يۋسفي مۇناي ءوندىرۋدى ۇلعايتۋ ەلدىڭ مەملەكەتتىك جوبالارىن شەتەلدىك زاەمدار تارتپاي-اق جۇزەگە اسىرۋعا كومەكتەسەدى، دەپ قوستى.
بۇدان بۇرىن ءال-يۋسفي وپەك-تەن باعانىڭ ودان ءارى قۇلدىراۋىن بولدىرماۋ ءۇشىن مۇناي ءوندىرۋدى قىسقارتۋدى تالاپ ەتكەن بولاتىن. ەل بيلىگى ۇيىم قۇرامىندا تۇرمايتىن مەملەكەتتەر ءۇشىن ءوندىرۋدى تومەندەتۋ ءتيىمدى دەپ سانايتىن كارتەلدىڭ ءىرى وندىرۋشىلەرىنىڭ ۇستانىمىن قولدامايدى. دەگەنمەن، مۇناي باعاسىنىڭ باررەلى 50 دوللاردان دا تومەندەپ، مۇناي قۇنىنىڭ تومەندەۋى جالعاسىپ وتىرعانىنا قاراماستان، وپەك-ءتىڭ كوپتەگەن ەلدەرى ءوندىرۋدى قىسقارتۋ نيەتى جوق ەكەنىن مالىمدەۋدە.
