اقمولا وبلىسىندا بوراندا اداسىپ قالعان تۇرعىن تابىلدى
قاڭتاردىڭ 21 ءى كۇنى تۇنگى 23:00 شاماسىندا جارقايىڭ اۋدانىنىڭ ارقالىق اۋىلىنىڭ 49 جاسار تۇرعىنى كۇيەۋىنىڭ بوراندا اداسىپ، قالعانى جونىندە تەلەفون ارقىلى حابارلاعان. وسىعان بايلانىستى اۋداندىق پوليتسيا، اكىمدىك قىزمەتكەرلەرى جانە اۋىل تۇرعىندارى ىزدەۋ جۇمىستارىنا تارتىلدى. ناتيجەسىندە جوعالعان ازامات اراعا 5 ساعات سالىپ، باۋ-باقشا قورشاۋىنان 100 مەتر قاشىقتىقتا تابىلدى.
كەيىن بەلگىلى بولعانداي ەر ادام كەشكى ساعات 19:00 شاماسىندا پويىزدان ءوزىنىڭ تانىسىن قارسى الىپ، قايتىپ كەلە جاتقاندا قاتتى بوراننىڭ سالدارىنان اداسىپ قالعان كورىنەدى.
