يۋنەيدس ورتالىق ازيا ەلدەرىنە ارنالعان سۋبوڭىرلىك كەڭسەسىن قازاقستاندا اشۋدى كوزدەپ وتىر
جۇزدەسۋدە ا ي ت ۆ-ج ي ت س اۋرۋىنىڭ تارالۋىنا قارسى كۇرەستە ورتالىق ازيا وڭىرىندەگى جەتەكشى ەل رەتىندەگى قازاقستاننىڭ ءرولىن نىعايتۋ جانە 2015-جىلعا جوسپارلانعان يۋنەيدس اتقارۋشى ديرەكتورى ميشەل سەديبەنىڭ قازاقستانعا ساپارى جايى تالقىلاندى. ساپار شەڭبەرىندە يۋنەيدس-ءتىڭ ورتالىق ازيا ەلدەرىنە ارنالعان سۋبوڭىرلىك كەڭسەسىن قازاقستاندا اشۋ ماسەلەسى تالقىلانادى. تاراپتار سونداي-اق، قازاقستاننىڭ الەمنىڭ ەڭ دامىعان 30 ەلىنىڭ قاتارىنا ەنۋى جولىندا ا ي ت ۆ- ج ي ت س اسەرىن تومەندەتۋ جايىن اڭگىمەلەدى.
يۋنەيدس حاتشىلىعىنىڭ قازاقستانداعى كەڭسەسى 1996-جىلى اشىلدى. سول كەزدەن بەرى حالىقارالىق ۇيىم ەل ۇكىمەتىمەن تىعىز قارىم-قاتىناستا جۇمىس ىستەپ كەلەدى. اتاپ ايتقاندا، ا ي ت ۆ تارالۋىنا قارسى ءىس-شارالارعا كومەكتەسۋ، ا ي ت ۆ ينفەكتسياسىنىڭ الدىن الۋدا ءتيىستى ستراتەگيالار - ۇلتتىق جانە سالالىق باعدارلامالار ازىرلەۋ، مامانداردىڭ بىلىكتىلىگىن ارتتىرۋ، يننوۆاتسيالىق امالدار ەنگىزۋ، ا ي ت ۆ/ج ي ت س- پەن كۇرەس سالاسىندا جۇمىس ىستەپ جاتقان ازاماتتىق قوعام ۇيىمدارىن دامىتۋعا قولداۋ كورسەتۋ جانە ت. ب. سالالاردا قىزمەت اتقارۋدا.
قازىرگى ۋاقىتتا ب ۇ ۇ- نىڭ ج ي ت س سالاسىنداعى قازاقستانداعى قىزمەتى 2010-2015-جىلدارعا ارنالعان قازاقستاندى دامىتۋ ماقساتىندا كومەك كورسەتۋ جونىندەگى ب ۇ ۇ باعدارلاماسىن جانە «سالاماتتى قازاقستان» مەملەكەتتىك باعدارلاماسىن باسشىلىققا الادى، دەپ حابارلايدى ق ر دەنساۋلىق ساقتاۋ جانە الەۋمەتتىك دامۋ مينيسترلىگىنىڭ باسپا ءسوز قىزمەتى.
