نارتاي بەكەجانوۆ اتىنداعى دراما تەاترى لوندونعا شاقىرتۋ الدى
وتكەن جىلى استانا قالاسىندا ءۇش تۇعىرلى ءتىل ساياساتىن قولداۋ ماقساتىندا حالىقارالىق فەستيۆال ءوتتى. وندا ن. بەكەجانوۆ اتىنداعى مۋزىكالىق دراما تەاترى جازۋشى- دراماتۋرگ د. يسابەكوۆتىڭ «وكپەك جولاۋشى» سپەكتاكلىن ساحنالادى. قويىلىمدى ۇناتقان ۇلى بريتانيالىقتاردان قىزىلوردالىق تەاتر ۇجىمى لوندوندا ونەر كورسەتۋگە شاقىرتۋ الىپ وتىر.
جالپى، مادەنيەت سالاسىندا جەتىستىكتەر كوپ. ماسەلەن، وتكەن جىلى وبلىستىق فيلارمونيا جانىنان كامەرالىق وركەستر، ن. بەكەجانوۆ اتىنداعى قازاق مۋزىكالىق دراما تەاترى جانىنان جاستار ترۋپپاسى قۇرىلدى. سونداي-اق كوركەم سۋرەت گالەرياسى اشىلدى. كلۋبتار مەن مادەنيەت ۇيلەرىنىڭ ماتەريالدىق-تەحنيكالىق بازاسى جاڭارتىلىپ، شالعايداعى اۋىلدارعا مادەني قىزمەت كورسەتۋ ماقساتىندا ورتالىقتاندىرىلعان جۇيە ارقىلى 7 اۋدانعا تولىق جابدىقتالعان «زەردە» مادەني-اقپاراتتىق زاماناۋي اۆتوكولىگى الىندى.
