ق ر پرەزيدەنتىنىڭ استانادا «نورماند تورتتىگىنىڭ» كەزدەسۋىن وتكىزۋ تۋرالى ۇسىنىسى ب ۇ ۇ تاراپىنان قولداۋ تاپتى
مەيمانمەن جۇزدەسۋدە ق. توقايەۆ ۆ. سالدانانىڭ تاياۋدا وسى جاۋاپتى لاۋازىمعا تاعايىندالۋى يۋنەيدس-ءتىڭ ايماقتاعى جۇمىسىن ۇدەتۋگە ىقپال ەتەتىنىنە سەنىم ءبىلدىردى. سەنات ءتوراعاسىنىڭ پىكىرىنشە، ب ۇ ۇ- نىڭ 11 ۇيىمىنىڭ قىزمەتىن ۇيلەستىرەتىن يۋنەيدس ج ي ت س جۇقپالى اۋرۋىنا دياگنوستيكا جاساۋ، الدىن الۋ، ەمدەۋ جانە اقىرىندا جويۋدى باعدار ەتكەن الەمنىڭ ءتۇرلى ايماقتارىنداعى قىزمەتىندە ەلەۋلى ناتيجەلەرگە قول جەتكىزدى.
ۆ. سالدانا ج ي ت س- پەن كۇرەس جونىندەگى قازاقستان جۇرگىزىپ كەلە جاتقان جۇمىستاردى جوعارى باعالادى جانە وسى كوكەيكەستى ماسەلەنى شەشۋدە پارلامەنت پەن ۇكىمەتتىڭ ءوزارا ءىس-قيمىلىنىڭ ماڭىزدىلىعىن اتاپ ءوتتى. «ج ي ت س- پەن كۇرەستە قازاقستان 2020-جىلى ورتالىق ازيا جانە ت م د- داعى الدىڭعى ساپتاعى ەل بولادى دەپ كۇتەمىز»، - دەدى يۋنەيدس-ءتىڭ وڭىرلىك ديرەكتورى. ۇيىم ەلدەگى الماتى كەڭسەسىن ا ي ت ۆ جۇقپالى اۋرۋىنا دياگنوستيكا جاساۋ، الدىن الۋ، ەمدەۋ جانە مونيتورينگ جۇرگىزۋ جونىندەگى شارالاردى ۇيلەستىرۋ ماقساتىندا ورتالىق ازياداعى رەسۋرستىق ورتالىق دەڭگەيىنە دەيىن نىعايتۋدى جوسپارلاپ وتىر.
سەنات ءتوراعاسى جۇزدەسۋشىنى ەلدەگى الەۋمەتتىك-ەكونوميكالىق احۋالمەن، ورتالىق ازياداعى جاعدايمەن جانە پارلامەنتتىڭ زاڭ شىعارۋ قىزمەتىمەن تانىستىردى.
ۆ. سالدانا پرەزيدەنت ن. نازاربايەۆتىڭ ۋكراين شيەلەنىسىن رەتتەۋ تۋرالى باستاماسى مەن ونىڭ استانادا «نورماند تورتتىگىنىڭ» كەزدەسۋىن وتكىزۋ تۋرالى ۇسىنىسى الەمدىك قوعامداستىق ريزاشىلىقپەن قابىل الىنعانىن جانە ول ب ۇ ۇ تاراپىنان قولداۋ تاپقانىن اتاپ ءوتتى.
اۆتور: سەرىك قاراجان
