ءا. شاياحمەتوۆا سياقتى اۋە اپاتىنان امان قالعان ادامدار الەمدە وتە سيرەك - ەرسىن ءجۇنىسوۆ

«قازىر جاڭا تەحنولوگيالاردى قولدانۋ ارقىلى ۇشاق اپاتىنان امان قالعان اسەم شاياحمەتوۆانىڭ مۇگەدەك بولىپ قالۋ قاۋىپى وتە تومەن. ول ەسىن انىق بىلەدى، سويلەي الادى. تراۆموتولوگيادا جاراقاتتاردى 2 گە بولەدى: وتە جوعارى ەنەرگەتيكالىق جاراقاتتار جانە تومەنگى ەنەرگەتيكالىق جاراقاتتار. مىسالى، كوشەدە كەلە جاتىپ، قۇلاعان ادامنىڭ جاراقاتىن تومەنگى ەنەرگەتيكالىق جاراقات دەيدى. ال، اسەمنىڭ جاراقاتى جوعارى ەنەرگەتيكالىق جاراقاتقا جاتادى. بۇنداي اۋە اپاتتارىنان امان قالعان ادامدار الەمدە وتە سيرەك»، - دەدى دارىگەر.

ايتا كەتەيىك، بۇگىن تاڭەرتەڭ اسەم استاناعا جەتكىزىلگەن بولاتىن.

20- قاڭتاردا جامبىل وبلىسى شۋ اۋدانىندا بالقاش-شاتىركول باعىتىنا بەت العان «وليمپ-ەير» كومپانياسىنىڭ ا ن-2 ۇشاعى اپاتقا ۇشىراعان. سونىڭ ىشىندە «قازاقمىس» كورپوراتسياسىنىڭ «بالقاش ءتۇستى مەتالل» گەولوگى اسەم شاياحمەتوۆا دا بولعان. اپاتتان كەيىن ول دەرەۋ «112» تەلەفونى بويىنشا قۇتقارۋ قىزمەتىنە حابارلاسىپ ۇلگەرگەن. وقيعا ورنىنا كەلگەن جامبىل وبلىسى ت ج د جەدەل دەن قويۋ بريگاداسى اۋە اپاتىنان جالعىز امان قالعان جولاۋشىنى شۋ قالاسىنداعى ورتالىق اۋداندىق اۋرۋحاناعا جەتكىزگەن.

اۆتور: جاسۇلان جولدىبايەۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى