قاراعاندىدا قىتايلىق ينۆەستورلارىنىڭ قاتىسۋىمەن كەشەندى قورىتپا زاۋىتى سالىنادى
«2015 - جىلى 8 - قاڭتاردا قازاقستاندىق- قىتايلىق ىنتىماقتاستىق بويىنشا جيىندا بىرلەسكەن جوبالاردىڭ جۇزەگە اسىرىلۋى قارالدى. ناتيجەسىندە 22 جوبا ماقۇلداندى، سونىڭ ۇشەۋى قاراعاندى وبلىسىندا. بۇل - كومىردى گازيفيكاتسيالاۋ بويىنشا زاۋىت قۇرىلىسى، «سارى ارقا» ا ك ك اۋماعىنداعى كەشەندى قورىتپا زاۋىتىنىڭ، سونىمەن قاتار شەت اۋدانى كوكتەنكول كەن ورنىنداعى موليبدەن، ۆولفرامموليبدەن كەندەرىنىڭ وندىرىستىك قۇرىلىمى مەن كەن- مەتاللۋرگيالىق كەشەنىنىڭ قۇرىلىسى»، - دەدى ءوڭىر باسشىسى.
«قاز مۇناي گاز- قايتا وڭدەۋ جانە ماركەتينگ» ا ق جوبالار ديرەكتسياسىنىڭ جەتەكشىسى ارمان ساۋلەباي حابارلاعانداي ، كومىردى گازيفيكاتسيالاۋ بويىنشا زاۋىت قۇرىلىسىن 2017 - جىلدان باستاپ، 2019 - جىلى ىسكە قوسۋ كوزدەلگەن.
«كەشەندى قورىتپا زاۋىتىنىڭ قۇرىلىسى بويىنشا ТЭН قۇرىلدى، قۇجاتتى ساراپتاماعا تاپسىرۋدامىز. جوبا جۇمىستارىن قۇراستىرۋ بويىنشا باس مەردىگەر «قاراعاندى ەكسپەرت پروەكت» بولادى، - دەدى قاراعاندى كەشەندى قورىتپا زاۋىتىنىڭ باس ديرەكتورى تالعات ماقايەۆ.
«بۇل جوبانى جۇزەگە اسىرۋ ايماققا 82,5 ميلليارد تەڭگەدەن استام ينۆەستيتسيا تارتىپ، شامامەن 3000 جۇمىس ورنىن اشۋعا سەپتەسەدى»، - دەدى وبلىس اكىمى.
باس ديرەكتوردىڭ سوزىنە قاراعاندا، جوبانىڭ 80 پايىزىن قازاقستان دامۋ بانكى قارجىلاندىرادى. قازىر زايم الۋ ماسەلەلەرى قارالۋدا.
كوكتەنكول كەن ورنىنداعى موليبدەن، ۆولفرامموليبدەن كەندەرىنىڭ وندىرىستىك قۇرىلىمى مەن كەن- مەتاللۋرگيالىق كەشەنىنىڭ قۇرىلىسى بويىنشا جوبانى 2054 - جىلعا دەيىن جۇزەگە اسىرۋ كوزدەلگەن. ول ءۇش كەزەڭدە جۇزەگە اسپاق. «جوبانى جۇزەگە اسىرۋ كەزىندە ينۆەستيتسيانىڭ جالپى كولەمى شامامەن 2,5 ميلليارد ا ق ش دوللارىن قۇرايدى»، - دەدى كاسىپورىن باسشىسى.
ن. ابدىبەكوۆ ونەركاسىپ جانە يندۋستريالدىق- يننوۆاتسيالىق دامۋ باسقارماسىنا اتالعان جوبالاردىڭ جۇزەگە اسۋىن قاتاڭ باقىلاۋدى تاپسىردى.
