قوستانايلىق رەسەي ازاماتتىعىن العان سوڭ بىرنەشە جىل قازاقستاندىق ءتولقۇجاتتى پايدالانعان

بۇل تۋرالى قازاقپارات تىلشىسىنە قوستاناي وبلىستىق پروكۋراتۋراسىنان حابارلادى.

2010 - جىلدىڭ جەلتوقسانىندا ازامات قازاقستان رەسپۋبليكاسى ازاماتىنىڭ جەكە كۋالىگىن جانە ءتولقۇجاتىن العان. ال كەلەسى جىلدىڭ ناۋرىزىندا چەليابى وبلىسى بويىنشا ر ف فەدەرالدىق كوشى-قون قىزمەتىنىڭ باسقارماسىنان رەسەي ازاماتىنىڭ ءتولقۇجاتىن الىپ، ر ف ازاماتى اتاندى.

حابارلامادا اتاپ وتىلگەندەي، «ق ر ازاماتىن كۋالاندىراتىن قۇجاتتار، تۇراقتى مەكەنىنە، ر ف-عا شىعار كەزدە ول قوستاناي ا ءى ءى ب كوشى-قون پوليتسياسىنا تاپسىرماعان، ال ىشكى ىستەر ورگانى ونى تاركىلەمەگەن».

وسىلايشا، بىرنەشە رەت مەملەكەتتىك شەكارادان ءوتىپ، سالىق تولەگەن. ءسويتىپ ق ر اكىمشىلىك قۇقىقبۇزۋشىلىقتار تۋرالى كودەكسىنىڭ 380-2 -بابىنىڭ 1-بولىمىمەن قاراستىرىلعان اكىمشىلىك قۇقىقبۇزۋشىلىققا جول بەردى.

«قازىرگى ۋاقىتتا قر ازاماتىنىڭ جەكە كۋالىگىن راستايتىن قۇجاتتار تاركىلەندى، ال ازامات 50 ا ە ك كولەمىندە ايىپپۇل تولەۋ تۇرىندە اكىمشىلىك جاۋاپكەرشىلىككە تارتىلدى»، - دەپ حابارلادى قوستاناي وبلىستىق پروكۋراتۋراسىنان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى