الماتى وبلىسىنىڭ بالعىن فۋتبولشىلارى برازيليادا تاعىلىمدامادان ءوتۋ ءۇشىن ىرىكتەۋدەن وتۋگە ازىرلەنۋدە
بۇل الماتىدا ىرىكتەۋدەن وتكەننەن كەيىن فۋتبولدان بەس دۇركىن الەم چەمپيونىنىڭ وتانىندا ءبىر جىل بويى تاعلىمدامادان وتەتىن جاس فۋتبولشىلاردىڭ ءۇشىنشى توبى.
فۋتبولدى ناق وسى برازيليادا ۇيرەنۋ - كەز كەلگەن جاس فۋتبولشىنىڭ ارمانى. قازاقستاندىق مەكتەپ وقۋشىلارى ءۇشىن بۇل ارماننىڭ ورىندالۋى ءۇش جىلدىق قازاقستان- برازيليالىق ىنتىماقتاستىقتىڭ ارقاسىندا مۇمكىن بولدى. الەۋەتتى ۇمىتكەرلەردى ىرىكتەۋ 2014 -جىلى قازاقستان چەمپيوناتىندا ءوتتى. ال 26-30 - قاڭتار كۇندەرى ۇمىتكەرلەر الماتىدا ىرىكتەۋدىڭ قورىتىندى كەزەڭىندە ارنايى تەستىلىك نورماتيۆ تاپسىرادى.
- بۇل تەرەڭدەتە مەديتسينالىق تەكسەرۋ. سونداي- اق بالالار تەستىلەر، نورماتيۆتەر تاپسىرادى، سونىمەن بىرگە ەكىجاقتى ويىندار وتكىزىپ، وزدەرىنىڭ شەبەرلىگىن كورسەتەدى، - دەپ اتاپ كورسەتتى فۋتبولدان وبلىستىق ماماندانداردىرىلعان بالالار مەن جاسوسپىرىمدەر سپورت مەكتەبىنىڭ ديرەكتورى ساعىندىق قاسىمجانوۆ.
ۇمىتكەرلەر اراسىندا بەس تالدىقورعاندىق بالا بار، ولار: ەلدوس ماراتوۆ، اسەت رامازانوۆ، قاينوللا دارىن، ءىلياس ارىنوۆ جانە نۇربول نۇربەرگەن.
بۇدان ەكى جىل بۇرىن الەمگە تانىمال مەكتەپتە وقىتۋدان وتكەن قازاقستاندىق ويىنشىلار قازىر قازاقستان جاستار قۇراماسىندا ونەر كورسەتىپ جۇرگەنىن اتاپ وتكەن ءجون.
