ق ر قارۋلى كۇشتەرىندە اسكەري قىزمەتشى ايەلدەر اراسىندا «باتىر ارۋلار» بايقاۋى وتەدى - فوتو
بۇل تۋرالى ق ر قورعانىس مينيسترلىگىنىڭ باسپا ءسوز قىزمەتىنەن حابارلادى.
پوگون تاققان ايەلدەر - قازىرگى زاماندا سونداي سيرەك كەزدەسەتىن جايت ەمەس.
الايدا، ولاردىڭ اراسىندا اسكەري قىزمەتتى ادال ابىرويمەن اتقارىپ، بويىندا سۇلۋلىقتى، اسەمدىكتى، نازىكتىكتى باتىلدىق پەن توزىمدىلىك سىندى قاسيەتتەرمەن ۇيلەستىرىپ جۇرگەندەرى ساناۋلى دەسەك بولادى.
كونكۋرسقا ق ر قارۋلى كۇشتەرى سالاسىندا قىزمەت اتقارىپ جۇرگەن جانە دە وتستاۆكاداعى اسكەري قىزمەتشىلەر - قازاقستاننىڭ بارلىق تۇرعىندارى قاتىسا الادى. قاتىسۋشىنىڭ جاسى مەن ەڭبەك ءوتىلى ماڭىزدى ەمەس.
ساۋالناما تولتىرۋ بارىسىندا قويىلاتىن باستى تالاپ - دۇرىس جازىلعان اتى-ءجونى، تەگى، جۇمىس ورنى، ساپالى سۋرەتى، ماماندىعى مەن اسكەري قىزمەتتە بولعان ءبىر قىزىقتى وقيعا بولۋى كەرەك. كونكۋرس جەڭىمپازى ق ر قورعانىس مينيسترلىگىنىڭ رەسمي سايتىندا داۋىس بەرۋ ارقىلى انىقتالاتىن بولادى.
كونكۋرس قورىتىندىسى بويىنشا ق ر قارۋلى كۇشتەرىندە قىزمەت ەتەتىن 12 قىز-كەلىنشەك انىقتالىپ، «باتىر ارۋلار» اتتى ارنايى كۇنتىزبەگە سۋرەتتەرى شىعارىلاتىن بولادى.
