استانادا «مەنىڭ قازاقستانىم» رەسپۋبليكالىق فەستيۆالىنىڭ قالالىق كەزەڭى وتەدى
سونىمەن قاتار، «بەيبىتشىلىك پەن كەلىسىم جول كارتاسى» مەگا-جوباسىنىڭ قورىتىندىسىن شىعارۋ ءراسىمى وتەدى، دەپ حابارلادى استانا قالاسىنىڭ رەسمي سايتى.
قازاقستان حالقى اسسامبلەياسىنىڭ استانا قالالىق حاتشىلىعىنىڭ حابارلاۋىنشا، فەستيۆالعا ەلوردالىق ەتنوبىرلەستىكتەردىڭ وكىلدەرى (انشىلەر، ۆوكالدىق توپتار، حور ۇجىمدارى، مۋزىكانتتار) قاتىسىپ، قالالىق فيلارمونيانىڭ سۇيەمەلدەۋىمەن ءوز ونەرلەرىن ورتاعا سالادى.
شارانىڭ ماقساتى - مەملەكەتتىك ءتىلدىڭ قولدانۋ اياسىن كەڭەيتۋ، مادەنيەتكە، داستۇرگە دەگەن قۇرمەتتى قالىپتاستىرۋ. فەستيۆال سوڭىندا «استاناداعى بەيبىتشىلىك پەن كەلىسىم جول كارتاسى» كىتابى تاراتىلادى.
