شوتلانديانىڭ ەڭ قارت تۇرعىنى ءوزىنىڭ ۇزاق جاساۋىنىڭ سىرىمەن ءبولىستى

دجەسسي گەللەن 2 - قاڭتاردا 109 جاسقا تولدى، ول ۇزاق جاساۋىنىڭ سىرىمەن بولىسە كەلىپ، كوبىرەك بوتقا جەۋگە جانە ەركەكتەردەن اۋلاق جۇرۋگە كەڭەس بەردى.

كەيۋانا ەشقاشان تۇرمىسقا شىقپاعان جانە ول ەركەكتەر وزدەرى تۋىنداتاتىن پروبلەمالارعا تۇرمايدى، دەگەندى ايتتى.

«مەن كوپ جىلدار بويى جاتتىعۋلاردان قول ۇزبەدىم، ءار تاڭ سايىن بوتقا جەدىم، ەشقاشان تۇرمىسقا شىقپادىم»، دەدى گەللەن.

قازىر ول تۇرىپ جاتقان ابەرديندەگى Crosby House قارتتار ءۇيىنىڭ قىزمەتكەرى رەبەككا ستريتەر زەينەتكەر بىرلەسكەن جاتتىعۋلارعا بەلسەنە قاتىساتىنىن، ءوز جاتتىعۋلارى وعان ۇنايتىنىن ايتتى. سونىمەن قاتار، گەللەن كونسەرتتەرگە ءجيى بارادى جانە ءار جەكسەنبى سايىن شىركەۋدە بولادى.

دجەسسي گەللەن 1906 - جىلى فەرمەرلەردىڭ وتباسىندا دۇنيەگە كەلگەن. ونىڭ بەس ءسىڭلىسى مەن ءىنىسى بولدى. 13 جاسىندا ول ۇيىنەن كەتىپ، ساۋىنشى بولدى. كەيىنىرەك بىرنەشە جەرلەردە جۇمىس جاسادى. «مەنىڭ جۇمىس بەرۋشىلەرىم مەن ارىپتەستەرىم جاقسى ادامدار بولدى. بۇگىنگى الەم مەن ءوسىپ-ونگەن كەزدەن الدەقايدا وزگەشە بولدى. بۇل كۇندى كورۋدىڭ ءوزى زور باقىت»، - دەدى ول.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى