كەڭەس وداعى باتىرىنىڭ ۇرلانعان التىن جۇلدىزىنىڭ كوشىرمەسى جاسالدى - الماتى وبلىسى

ول 1923 - جىلدىڭ 30 - جەلتوقسانىندا بوگوسلوۆكا اۋىلىندا (قازىرگى - شىعىس قازاقستان وبلىسىنىڭ بورودۋليحا اۋدانى) دۇنيەگە كەلگەن.

جەتى سىنىپتى اياقتاعان سوڭ كولحوزدا جۇمىس ىستەگەن. 1941 - جىلدىڭ جەلتوقسانىندا كوسەنكوۆ قىزىل اسكەر قاتارىنا الىنىپ، مايدانعا اتتانعان. 333-اتقىشتار ديۆيزياسىنىڭ 1118-اتقىشتار پولكىندە اسكەري بورىشىن وتەگەن ول ماسكەۋدەن بولگارياعا دەيىن بارعان. دنەپر ءۇشىن شايقاس كەزىندە ەرەكشە كوزگە تۇسكەن.

1944 - جىلدىڭ ناۋرىز ايىندا ول جوعارعى كەڭەس پرەزيديۋمىنىڭ 22 - اقپانىنداعى شەشىمىمەن يۆان ۆاسيليەۆيچ كوسەنكوۆ پەن ميحايل نيكولايەۆيچ گولياكوۆقا كەڭەس وداعىنىڭ باتىرى اتاعىن بەرۋ تۋرالى جارلىعىنىڭ كوشىرمەسىن الادى.

بەس جىل بۇرىن ارداگەرگە ۇشتوبە قالاسىنان ءۇش بولمەلى پاتەر سىيعا تارتىلدى. ارداگەر كوپپاتەرلى ۇيدەن كەزەگى كەلسە دە باس تارتىپ كەلگەن. ويتكەنى، ءوزىنىڭ كەزەگىن كوپبالالى وتباسىعا، بىردە جاعدايى تومەن جانۇياعا بەرۋدى سۇراعان.

قازىر ارداگەر زەينەت جاسىنداعى قىزى ولگانىڭ قولىندا. مايدان دالاسىندا جاستايىنان ابدەن شىنىققان اقساقال بۇگىندە تىڭ كورىنەدى. كۇندەلىكتى ادەتىندە ول تاڭ سارىسىنەن تۇرادى. ەلدەگى جاڭالىقتاردى ب ا ق-ارقىلى ءبىلىپ وتىرادى.

«جەڭىس كۇنى جاقىنداعان سايىن اكەم ۇرلانعان التىن جۇلدىزىن ەسىنە ءتۇسىرىپ، كوڭىلى بۇزىلادى. 2000 - جىلى ونىڭ قىمبات مەدالىن بىرەۋلەر ۇرلاپ كەتكەن. قاراتال ا ءى ءى ب- نىڭ قىزمەتكەرلەرى ناگرادانى قانشا ىزدەسە دە، تابا الماعان بولاتىن»، - دەيدى ولگا.

الماتى وبلىسىنداعى اسكەري باسقارمانىڭ جەرگىلىكتى ورگاندارى باتىردىڭ ناگراداسىن ۇرلاتىپ العانىن ەستىپ، كەڭەس وداعى باتىرىنىڭ التىن جۇلدىزىنىڭ كوشىرمەسىن جاساپ بەردى. بىرنەشە اي كۇتكەن يۆان كوسەنكوۆ ناگراداسىن قولىنا الىپ، ريزا بولدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى