قازاقستاندا جاساندى شاعىلتاس ءوندىرۋ جوباسى ىسكە قوسىلادى
جاڭا جوبا ق ر ءبىلىم جانە عىلىم مينيسترلىگىنىڭ جانىنداعى تەحنولوگيالاردى كوممەرتسيالاندىرۋ ورتالىعىنىڭ قولداۋىمەن جۇزەگە اسىرىلادى.
شاعىلتاستار ەندى ونەركاسىپتىڭ ءتۇرلى سالاسىندا، سونىڭ ىشىندە جول قۇرىلىسىندا پايدالانىلماق. جوباعا قىزىعۋشىلىق تانىتقان لاتۆيالىق كاسىپكەرلەر بولاشاقتا ەل اۋماعىنان ءوندىرىس وشاعىن اشۋدى كوزدەيدى.
باتىس قازاقستان قۇرىلىس ماتەريالدارى كورپوراتسياسى - قۇرىلىسقا قاجەتتى قوسپالار مەن اك تاسىن وندىرەتىن وڭىردەگى ىرگەلى كاسىپورىن. زاۋىتتا ورالدىق عالىمدار ويلاپ تاپقان جاڭا ءونىمدى وندىرۋگە بارلىق جاعداي جاسالعان.
سارسەنبەك مونتايەۆ، ينجينيرينگ جانە رەسۋرستاردى ۇنەمدەۋ ع ز ي ديرەكتورى، تەحنيكا عىلىمدارىنىڭ دوكتورى:
- وڭىرىمىزدە كرەمنييلىك تاۋ جىنىستى وپوكا دەگەن 60 ميلليون توننا قورى بار. سول قوردى الىپ كەلىپ، وسىندا وتە قاراپايىم تەحنولوگيامەنۇنتاقتايدى. ودان كەيىن ارناۋلى اينالمالى پەشتە 100, 1100 گرادۋستا كۇيدىرەدى. دايىن ءونىم وسىدان كەيىن پايدا بولادى.
وڭىردە ءوندىرىستىڭ ءتۇرلى سالاسىندا قولدانىلاتىن اسىرەسە جول قۇرىلىسىنا قاجەتتى شاعىلتاسقا دەگەن سۇرانىس وتە جوعارى. تەك باتىس قازاقستان مەن اتىراۋ وبلىسىنا جىلىنا 2 ميلليون تەكشە مەتردەي شاعىلتاس كەرەك بولادى.
دامير ەگىزبايەۆ، ق ر ءبىلىم جانە عىلىم مينيسترلىگىنىڭ جانىنداعى «تەحنولوگيالاردى كوممەرتسيالاندىرۋ ورتالىعى» ج ش س-نىڭ ديرەكتورى:
- وسى ءبىز تۇرعان زاۋىتتىڭ وزىندە جىلىنا 45 مىڭ توننا جاساندى شاعىلتاس شىعارۋعا بولادى. بۇل - وبلىستىڭ اتالعان ونىمگە دەگەن سۇرانىسىنىڭ %10. قازىرگى تاڭدا ول كورشىلەس اقتوبە وبلىسىنان اكەلىنەدى. ال جەرگىلىكتى سازدان الىناتىن جاڭا ءونىم سىرتتان جەتكىزىلەتىن قۇرىلىس ماتەريالىنا قاراعاندا بىرنەشە ەسەگە ارزانعا تۇسەدى.
جاڭا جوباعا شەتەلدىك كاسىپكەرلەر دە قىزىعۋشىلىق تانىتىپ وتىر. لاتۆيالىق بەلگىلى بيزنەس كومپانياسىنىڭ وكىلدەرى وسى جەردە سالىناتىن زاۋىتتىڭ ونىمدەرى ارقىلى دامۋشى ەلدەردىڭ ينفراقۇرىلىمىنا ينۆەستيتسيا سالۋدى كوزدەيدى.
ۆيسماند مەندجوكس، كوممەرتسيالاندىرۋ رەاكتورىنىڭ وكىلى:
- ءبىزدىڭ بيزنەس جوسپارىمىز بويىنشا قازاقستان اۋماعىندا اۋەلى 2 زاۋىت اشىلادى. وسى جاساندى شاعىلتاستى ءوندىرۋدىڭ تەحنولوگياسىن ابدەن ءتۇسىنىپ العاننان كەيىن، سولتۇستىك افريكا جانە تاياۋ شىعىس ەلدەرىنە شىعىپ، سول جاقتا ءىسىمىزدى دامىتقىمىز كەلەدى.
جاڭاشىل جوباعا بولىنگەن قارجىعا ازىرگە سىناما تۇرىندە 200 توننا ءونىم وندىرىلگەن. بولاشاقتا دايىن ءونىمدى وڭىردەگى تۇرعىن-ءۇي كومبيناتتارى مەن جول قۇرىلىسىنا ۇسىنۋ جوسپارلانىپ وتىر.
www.24.kz
