كۇيەۋىن قاسقىردان قۇتقارعان ايەل وقيعانىڭ ءمان- جايىن ايتىپ بەردى
ونىڭ ايتۋىنشا، ايەل بۇل كەزدە ءۇيىنىڭ جانىندا تۇرعان. قاسقىر شاپقان كەزدە كۇيەۋى بۇعان «ۇيگە تىعىل» دەپ ايقايلايدى.
ءبىراق ول كۇيەۋىنە كومەكتەسۋدى ويلايدى. «مەن ۇيگە جۇگىرىپ كىرىپ، پىشاق الىپ شىقتىم دا، كۇيەۋىمە لاقتىردىم، ول پىشاقتى الىپ، قاسقىردى ءولتىردى»، - دەيدى دۋلاتوۆا. قازىر ەر ادام اۋرۋحانادا جاتىر.
مامانداردىڭ ايتۋىنشا، بۇل ادامداردى قۇداي ساقتاعان. ادەتتە قاسقىر شابۋىلداعان كەزدە اتىس قارۋىنسىز قورعانۋ مۇمكىن ەمەس. وڭىردە قاسقىردىڭ كوبەيىپ كەتۋىنە قاردىڭ قالىڭ جاۋۋى سەبەپ بولعان. سونىڭ سالدارىنان جىرتقىشتاردىڭ قورەك تابۋى قيىنداپ، ولار مال مەن جانعا شابا باستاعان.
بيىل شىعىس قازاقستاندا قاسقىر تيگەن مالدىڭ شىعىنى 191 ميلليون تەڭگەدەن اسىپ كەتتى. ش ق و تابيعاتتى قورعاۋ پروكۋراتۋراسىنىڭ مالىمەتىنشە، جىرتقىشتاردى اتۋعا توعىز ميلليون تەڭگە بولىنگەن. ايماقتىڭ توعىز اۋدانىندا 400 دەن استام اڭنىڭ كوزى جويىلىپ، اڭشىلار اۋلانعان 328 باس اڭ ءۇشىن ماراپاتتالدى. ءبىر باس اڭعا 12 مىڭ تەڭگە بەرىلدى.
ەسكە سالا كەتەيىك، بۇعان دەيىن دۋلاتوۆانىڭ قاسقىردى پىشاقتاپ ولتىرگەنى حابارلانعان ەدى. ەندى جىرتقىشتى ونىڭ كۇيەۋى ولتىرگەنى بەلگىلى بولىپ وتىر. اقپارات قۇرالدارى كۇيەۋىن قاسقىردىڭ اۋزىنان قۇتقارىپ قالعان ايەلدىڭ ماراپاتقا ۇسىنىلعانىن دا حابارلاعان بولاتىن.
