قازاقستاندىقتار جالعا بەرىلەتىن باسپانا قۇرىلىسىنىڭ ساپاسىن قاداعالاۋى قاجەت

«ءبىز باعدارلاما بويىنشا تۇرعىزىلىپ جاتقان جالعا بەرىلەتىن ۇيلەردىڭ ساپاسىن قاداعالايتىن بولامىز. سوندىقتان ەگەر سىزگە ارىز ءتۇسىپ نەمەسە بىرەۋ قۇرىلىستىڭ نورمالار مەن تارتىپكە ساي ءجۇرىپ جاتپاعانىن كورەتىن بولسا جانە ءسىز سول ۇيدەن پاتەر الاتىنىڭىزدى بىلەتىن، بۇعان بەي-جاي قارايتىن ادام بولماساڭىز ءبىز ءسىزدى قازاقستان تۇتىنۋشىلارىنىڭ ۇلتتىق ليگاسىندا كۇتەمىز»، - دەدى رومانوۆسكايا استانادا وتكەن باسپا ءسوز كونفەرەنسياسىندا.

ونىڭ ايتۋىنشا، كەز كەلگەن ادام ليگاعا كىرىپ، كۋالىك الا الادى، وسىلايشا ولارعا مەملەكەتتىك باسپانا قۇرىلىسىنىڭ ساپاسىن قاداعالاۋعا قۇقىق بەرىلەدى.

رومانوۆسكايا قازاقستاندىقتاردى ءوز قۇقىقتارىن قورعاپ، تالاپتى ورىنداماعاندار تۋرالى 2518 (K- Mobile ءۇشىن) جانە 2040 (Kcell ءۇشىن) ارنايى بايلانىس جەلىلەرىنە حابارلاپ نەمەسە potrebitel.kz سايتىنا شاعىم جازۋعا شاقىردى.

«سونىمەن قاتار، ءبىز بيىل تاسىمالداۋشىلارمەن دە قاتاڭ جۇمىس ىستەيتىن بولامىز: اۋەتاسىمالى مەن تەمىر جول تاسىمالى. تەمىر جول تاسىمالىنا وتە كوپ قارجى جۇمسالاتىنىن سىزدەر بىلەسىزدەر، ونىڭ تيىمدىلىك دارەجەسىن قاراپ شىعۋ قاجەت. ءبىز ۆاگونداردىڭ قانشالىقتى ەسكىرگەنىن كورىپ ءجۇرمىز. سول قارجى قايدا جۇمسالىپ جاتىر؟ ول ۆاگونداردىڭ ساپاسى قانداي؟ ءبىز نە ءۇشىن اقشا تولەيمىز؟ اۋەتاسىمالداۋشىلار تاريفتى قالاي بەلگىلەيدى؟»، - دەدى ول.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى