قازاقستاندا كونكي تەبۋشىلەردىڭ كاسىبي كلۋبى قۇرىلۋى مۇمكىن

ەسكە سالايىق، وبلىستىق دەنە شىنىقتىرۋ جانە سپورت باسقارمالارى مەن قازاقستانداعى سپورت فەدەراتسيالارى وكىلدەرىنىڭ باسىن قوسقان كەڭەسكە قر ۆيتسە- پرەمەرى بەردىبەك ساپاربايەۆ قاتىسقان بولاتىن.

ءمينيستردىڭ سوزىنە قاراعاندا، بۇگىنگى كۇنى قوعام الدىنداعى اسا وزەكتى ءارى الەۋمەتتىك مىندەتتەردىڭ ءبىرى قىسقى سپورت تۇرلەرىن دامىتۋ بولىپ تابىلادى. توقتالا كەتەتىن جايت، قازىرگى تاڭدا ەلىمىزدە قىسقى سپورتتىڭ 15 ءتۇرى بويىنشا 8 فەدەراتسيا مەن 2 قاۋىمداستىق قىزمەت ەتىپ كەلەدى.

«بۇگىنگى كۇنى كونكي تەبۋشىلەردىڭ كلۋبىن قۇرۋ ماسەلەسى وزەكتى بولىپ وتىر. ال مۇنداي ىلكى جوبالاردى جۇزەگە اسىرۋ كەلەشەكتە قىسقى وليمپيادا ويىندارىنا قازاقستاندىق سپورتشىلاردىڭ دايىندىق ساپاسىن ارتتىرادى.

البەتتە، «سامۇرىق- قازىنا» قورىنىڭ قولداۋىنسىز بۇل جوبالاردى جۇزەگە اسىرۋ مۇمكىن ەمەس»، - دەدى مينيستر.

ونىڭ ايتۋىنشا، ۇزاق ۋاقىت بويى بۇل ماسەلەنى شەشۋ ءتيىستى دەڭگەيدە اتقارىلعان جوق. «ءتىپتى ۇلتتىق ءال- اۋقات قورىنىڭ قولداۋىنسىز بۇنى جولعا قويۋ قيىن»، - دەدى ا. مۇحامەدي ۇلى.

اۆتور: قانات مامەتقازى ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى