بالكوندا تۇرىپ تەمەكى تارتۋعا شەكتەۋ ەنگىزىلمەك

مۇنداي شاراعا پوتسدام قالاسىنىڭ ەگدە جاستاعى ەرلى-زايىپتى تۇرعىندارى تۇسىرگەن شاعىم سەبەپ بولعان. ولاردىڭ ايتۋىنشا، تۇسكى استان كەيىن بالكونعا شىققاندا كورشىلەرى تارتقان تەمەكىنىڭ ءتۇتىنى تازا اۋامەن تىنىستاۋعا مۇمكىندىك بەرمەيتىن كورىنەدى.

سوتتان حابارلاعانداي، كورشى بالكوننان كەلەتىن ءتۇتىن، ادەتتە، كوپتى مازالاپ جۇرگەن تۇيتكىلدى ماسەلەلەردىڭ ءبىرى جانە ونى جەرگىلىكتى بيلىك رەتتەۋى ءتيىس.

ناقتى وسى وقيعا بويىنشا ارىزدانۋشىنىڭ پايداسىنا قابىلدانعان شەشىمى ارقىلى سوت ەشقانداي ناقتى شەكتەۋ بەكىتپەدى، دەگەنمەن شەشىم قابىلدار كەزىندە ءاربىر ناقتى وقيعا بويىنشا كورشى بالكوننان كەلەتىن تەمەكى ءتۇتىنىنىڭ يىسىنە شاعىمدانىپ كەلگەن ارىزدانۋشىلاردىڭ مۇددەسىن قورعاي وتىرىپ بەلگىلەنگەن شەكتەۋگە تۇزەتۋ ەنگىزدى.

سوعان سايكەس، بالكوندا تۇرىپ تەمەكى تارتۋ ۋاقىتىن قالاي بەلگىلەۋ كەرەكتىگىن پوتسدام قالاسىنىڭ بيلىگى رەتتەيتىن بولادى. The Local باسىلىمى سوتتىڭ مۇنداي مازمۇنداعى شەشىمى العاشقى رەت قابىلدانىپ وتىرعانىن جازادى.

العاشقىدا، تەمەكى تۇتىنىنەن مەزى بولعان ەرلى-زايىپتى جەرگىلىكتى سوتقا شاعىم تۇسىرگەن ەكەن. الايدا ول شىلىم شەگۋشىلەردىڭ «شاشباۋىن كوتەرگەندىكتەن»، تازا اۋامەن تىنىس الۋ قۇقىعىن جوعارعى سوتتا قورعاۋعا بەل بۋادى.

ەندى، جوعارعى ينستانتسيانىڭ شەشىمىنە سايكەس، پوتسدام بيلىگى قالاداعى شىلىم شەككىشتەر ءۇشىن ارنايى شەكتەۋلەر ەنگىزەتىن بولدى.

BNews.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى