ۆيتسە-پرەمەر قازاقستان فۋتبول فەدەراتسياسىنىڭ جۇمىسىن سىنعا الدى
«وكىنىشكە قاراي، ءبىرقاتار فەدەراتسيالاردىڭ جۇمىسى سىن كوتەرمەيدى، ال ولارعا حالىقتىڭ قاراجاتى ءبولىنىپ جاتىر. اسىرەسە، فۋتبول تۋرالى ايتايىق. جاقىندا عانا سانكت- پەتەربورداعى تۋرنيردە قازاقستاندىق جاستار قۇراماسىنىڭ ويىنى دا بۇعان مىسال. ولار ەۋروپالىق كوماندالاردى ايتپاعاننىڭ وزىندە تاجىكستان كومانداسىنان جەڭىلىپ قالدى. كەشە افريكالىق كوماندامەن تەڭ ءتۇستى. مىنە، سىزدەر مەن بىزدەرىڭ ناتيجەمىز وسىنداي»، - دەدى بەردىبەك ساپاربايەۆ.
بۇل رەتتە ۆيتسە- پرەمەر قازاقستان فۋتبول فەدەراتسياسىنىڭ جاڭا باسشىلىعى جاقسى ناتيجەلەر كورسەتۋگە تىرىسادى دەگەن سەنىم ءبىلدىردى. ونىڭ ايتۋىنشا، فۋتبول - بۇل سپورتتىڭ ەڭ سۇيىكتى ءتۇرى.
«الايدا، كوپتەگەن سپورت عيماراتتارى سالىنعانىنا، جاستارىمىزدى برازيليادا وقىتقانىمىزعا قاراماستان، ازىرشە ونداي جۇمىستاردان ەش ناتيجە جوق»، - دەدى ب. ساپاربايەۆ.
سونىمەن ءبىر مەزگىلدە پرەمەر-ءمينيستردىڭ ورىنباسارى جاقسى ناتيجە كورسەتىپ جۇرگەن ەلىمىزدەگى بوكس، اۋىر اتلەتيكا، تەننيس سەكىلدى فەدەراتسيالار جۇمىسىن وڭ باعالادى.
