جامبىل وبلىسىنداعى ۇشاق اپاتىنان امان قالعان ايەل دارىگەرلەردەن اياعىن كەسپەۋدى سۇرادى

اسەم شۋ قالاسىنداعى ورتالىق اۋداندىق اۋرۋحانانىڭ جانساقتاۋ بولىمىندە.

«قازىرگى كەزدە اسەمنىڭ جاعدايى اۋىر بولعانىمەن تۇراقتى، ول ەسىن جىيدى. ءبىز وعان كىرىپ شىقتىق، اقىرىن سويلەي الادى. وعان مەديتسينالىق كومەك دەر كەزىندە كورسەتىلگەن. قازىر استانا قالاسىنان ماماندار كەلدى. اسەمنىڭ اياعىندا اشىق سىنىقتار بار. كوپ قان جوعالتسا دا ول قيىندىققا سابىر قىلىپ، ەرلىك كورسەتىپ جاتىر. ول دارىگەرلەردەن اياعىن ساقتاپ قالۋدى سۇراپ وتىر»، - دەپ باياندادى «قازاقپارات» تىلشىسىنە جامبىل وبلىسى بويىنشا ت ج دەپارتامەنتى باسشىسىنىڭ م. ا. باعدات دانيلوۆ.

ءا. شاياحمەتوۆانىڭ جاعدايى جونىندەگى كونسيليۋمنىڭ قورىتىندىلارى بويىنشا دارىگەرلەر وڭ بولجامعا سۇيەنەدى. اتالعان ۋاقىتتا زارداپ شەككەن ايەلدى الماتىعا ەمدەلۋگە جىبەرۋ ماسەلەسى شەشىلدى.

 29 جاستاعى اسەم شاياحمەتوۆا - «قازاق مىس» كورپوراتسياسىنىڭ «بالقاش ءتۇستى مەت» وندىرىستىك ونەركاسىبىنىڭ باس گەولوگى.

 ۇشاق قۇلاعان سوڭ، ول موبيلدى تەلەفونمەن «112» قۇتقارۋ قىزمەتىنە حابارلاسقان. وقيعا ورنىنا قۇتقارۋشىلار جەدەل كەلىپ جەتكەن.

ەسكە سالساق، 2015 - جىلعى 20 - قاڭتاردا جامبىل وبلىسىنىڭ شۋ اۋدانىندا ورنالاسقان «قازاق مىس» كورپوراتسياسى» ج ش س- نىڭ شاتىركول كەن ورنىندا ا ن-2 ۇشاعى اپاتقا ۇشىرادى. جەدەل- قۇتقارۋ جۇمىستارىنىڭ ناتيجەسىندە ۇشاق كەن ورنىنان 25 شاقىرىم قاشىقتىقتان تابىلدى.

جامبىل وبلىسىندا اپاتقا ۇشىراعان ا ن-2 ۇشاعىنا قاتىستى باس كولىك پروكۋراتۋراسىنىڭ ارنايى پروكۋرورىنىڭ باسقارۋىنداعى قۇرىلعان تەرگەۋ توبى ءىستى ءوز وندىرىسىنە قابىلداپ، ق ق- ءتىڭ 344- بابىنىڭ 3- بولىگىمەن سوتقا دەيىنگى تەرگەپ- تەكسەرۋ ارەكەتتەرىن جۇرگىزىپ جاتىر، دەپ حابارلادى اتالعان ۆەدومستۆونىڭ باسپا ءسوز قىزمەتىنەن.

«قازىرگى ۋاقىتتا تەرگەۋ امالدارى جۇرگىزىلىپ جاتىر. سوت- مەديتسينالىق ساراپتامالار تاعايىندالدى، «وليمپ ەير» ج ش س- نەن تەحنيكالىق قۇجاتتار الىندى. تەرگەۋدە وقيعانىڭ بىرنەشە سەبەبى اتالىپ وتىر. سونىڭ ءبىرى ۇشاقتىڭ تەحنيكالىق اقاۋىنا قاتىستى جانە ادام فاكتورىنا بايلانىستى»، دەلىنگەن حابارلامادا.

20 - قاڭتار كۇنى ساعات 15-40- تا جامبىل وبلىسى شۋ اۋدانىندا «بالقاش- شاتىركول كەن ورىنى» باعىتىندا اۋەشولۋ جۇرگىزۋ كەزىندە «وليمپ ەير» ج ش س- ءنىڭ (تاپسىرىس بەرۋشى «قازاق مىس كورپوراتسياسى» ج ش س) ا ن-2 ماركالى UP - ا 0314 ساندى ۇشاعى شاتىركول كەن ورىنى ايماعىندا اپاتقا ۇشىرادى.

الدىن الا دەرەكتەر بويىنشا اپاتقا اۋا رايىنىڭ قولايسىزدىعى (تۇمان) سەبەپ بولعان. ۇشاق جەرگە قونباقشى بولعان ساتتە، جەرگە سوقتىعىسۋ سالدارىنان اپات ورىن العان.

ۇشاق بورتىندا جەتى ادام بولعان - «قازاق مىس» كورپوراتسياسىنان ءتورت ادام جانە ءۇش ەكيپاج مۇشەسى. التى ادام كوز جۇمدى: تەحنيكالىق دامۋ دەپارتامەنتىنىڭ ديرەكتورى گ. ت. تولەۋبايەۆ، «بالقاش ءتۇستى مەت» ءو ب- ءنىڭ باس مەحانيگى ە. ب. يبرايەۆ، «بالقاش ءتۇستى مەت» ءو ب- ءنىڭ تەحنيكالىق جانە ينۆەستيتسيالىق جوسپارلاۋ ءبولىمىنىڭ باستىعى ۇ. ح. ەسماعانبەتوۆ، سونداي- اق بارلىق ەكيپاج مۇشەلەرى - ا ن-2 كومانديرى ۆ. گ. كليۋشيەۆ، ەكىنشى ۇشقىش ۆ. پ. ساۆەليەۆ جانە بورت مەحانيگى ۆ. ي. ليتۆينوۆ قازا تاپتى. اپاتتان امان قالعان «بالقاش ءتۇستى مەت» ءو ب- ءنىڭ باس گەولوگى ءا. ا. شاياحمەتوۆا اۋرۋحاناعا جەتكىزىلدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى