قازاقستاندىق ءمينيستردىڭ ۇلى مۇناي زاۋىتىن رەسەيلىكتەرگە ساتتى

وسىلايشا، الپاۋىت كومپانيانىڭ پرەزيدەنتى ميحايل گۋتسەريەۆ «ورس كنەفتەو رگسينتەز» زاۋىتىن ءوز قاراماعىنا الدى. بۇل تۋرالى «استانا» ارناسى «كوممەرسانت» گازەتىنىڭ اقپاراتىنا سىلتەمە جاساپ حابارلادى.

ايتا كەتەيىك، يگور شكولنيك قازاقستاننىڭ ەنەرگەتيكا ءمينيسترى ۆلاديمير شكولنيكتىڭ ۇلى. ساۋدا-ساتتىق قۇنى ناقتى قانشا سومانى قۇراعانى ءالى ايتىلعان جوق. الايدا، دەرەككوزدەر ونىڭ مولشەرى 1 ميلليارد دوللارعا جۋىقتايتىنىن ايتقان.

«رۋسسنەفت» تاراپى جاعدايعا قاتىستى ءالى رەسمي تۇسىنىك بەرگەن جوق. باسىلىمعا بۇل اقپاردى جەتكىزگەن دەرەككوز گۋتسەريەۆتىڭ ونسىز دا بۇل زاۋىتتى باقىلاۋىندا ۇستاپ كەلگەنىن ايتادى. ەندى ول تەك اكتيۆتەردى رەسمي تۇردە وزىنە راسىمدەسە كەرەك.

«ورسكنەفتەو رگسينتەز» - رەسەيدىڭ ورىنبور وبلىسىنداعى اسا ءىرى كاسىپورىن. ءارى رەسەيدىڭ مۇناي وڭدەۋ نارىعىندا وزىندىك ورنى بار الپاۋىت زاۋىتتاردىڭ ءبىرى. جىلدىق قۋاتى 6,6 ميلليون توننا قارا التىن وڭدەۋگە قاۋقارلى. يگور شكولنيكتىڭ قاراماعىنا بۇل زاۋىت 2011-جىلى وتكەن بولاتىن.

ال وسى اقپارات جاريا بولعان كەزدە ەنەرگەتيكا ءمينيسترى، «بۇل جەردەن ساياسات ىزدەۋدىڭ قاجەتى جوق، مەنىڭ دە تۋىستارىم بيزنەسپەن اينالىسۋعا قۇقىلى» دەگەن بولاتىن. ءتىپتى، بۇل ماسەلەنى ۇلىمنان سۇراڭدار، ول اكەسىنەن دە «ۇلكەن»، - دەگەن جاۋاپپەن قۇتىلعان ەدى دەپ ەسكە سالادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى