بۇگىن اۆستراليادا قازاقستان نامىسىن ەكى سپورتشىمىز قورعايدى

چەمپيونات. كوم سايتى جاريالاعان بىرىنشىلىك كەستەسىنە قاراعاندا، سارسەنبىنىڭ ساتىندە العاشقىلاردىڭ ءبىرى بولىپ قازاقستاندىق، الەمنىڭ 66- راكەتكاسى ياروسلاۆا شۆەدوۆا پۋەرتو-ريكو ەلىنىڭ وكىلى، جيىرما ءبىر جاسار مونيكا پۋيگپەن سىنعا تۇسەدى.

ولار ەكىنشى كورتقا ءبىرىنشى بولىپ شىعادى. العاشقى اينالىمدا اسا تارتىستى كەزدەسۋدە چەحيالىق، الەمنىڭ 16- راكەتكاسى ليۋسي شافارجوۆانى جولدان تايدىرعان ءيا. شۆەدوۆاعا قازاقستاندىقتار تاعى دا ءۇمىت ارتادى. بۇدان بۇرىن ءيا. شۆەدوۆا م. پۋيگتى ءبىر رەت جەڭگەن ەكەن.

قازاقستاننىڭ ءبىرىنشى، الەمنىڭ 31- راكەتكاسى زارينا دياس ءسال كەيىنىرەك 13-كورتتا سلوۆاكيالىق اننا شميدلوۆامەن شەبەرلىك بايقاسادى. بۇل تەننيسشىلەر بۇرىن ءبىر-بىرىمەن كەزدەسپەگەن. ءبىرىنشى اينالىمدا پولياك قىزى ۋرسۋلا رادۆانسكانى ءۇش پارتيادا تىزە بۇكتىرگەن زاريناعا بۇل جولى دا كوپ تەر توگۋگە تۋرا كەلەدى. ەگەر ز. دياس اۆستراليا اشىق چەمپيوناتىندا نەعۇرلىم ءساتتى ونەر كورسەتسە، بۇل وعان ۇپاي قورىن تولىقتىرىپ، ۇزدىك وتىز تەننيسشىنىڭ قاتارىنا ەنۋگە مۇمكىندىك بەرەدى.

اتالمىش سايت بۇل ماتچتاردا قازاقستاندىقتار ءۇش پارتيادا ۇتادى دەپ جورامال جاساپ وتىر.

ايتا كەتەيىك، جەكەلەي سىندا قازىر قازاقستاننان زارينا مەن ياروسلاۆا عانا قالدى. قالعان ويىنشىلار، اتاپ ايتقاندا، يۋليا پۋتينتسيەۆا، ەرلەردەن ميحايل كۋكۋشكين مەن اندرەي گولۋبيەۆ قارسىلاستارىنا ەسە جىبەرىپ، العاشقى اينالىمنان اسا المادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى