استانادا توناۋشىلاردى ۇستاۋعا كومەكتەسكەن تاكسي جۇرگىزۋشىسىنە سىيلىق بەرىلدى
بۇل تۋرالى ەلوردالىق ءى ءى د-نىڭ باسپا ءسوز قىزمەتىنەن حابارلاندى.
«تۇندە استانا قالاسىنىڭ ەكى تۇرعىنى بۋكمەكەرلىك كەڭسەدەن رەڭدى تەلەديدارلاردى جىمقىرعان. ۇرلانعان زاتتاردى تاسىمالداۋ ءۇشىن سىبايلاستار تاكسي توقتاتقان. تاكسي جۇرگىزۋشىسى جولاۋشىلاردىڭ ارەكەتتەرىنە كۇدىكپەن قارادى، ونىڭ ايتۋىنشا، ادەتتە ءىرى زاتتاردى تۇندە تاسىمالدامايدى.
قولايلى ءساتتى تاڭداپ، ول «102» پۋلتىنە حابارلاسقان. جەدەل كەلىپ جەتكەن پوليتسيا قىزمەتكەرلەرى ۇرلىق جاساعان ادامداردى قىلمىس ۇستىندە ۇستادى»، - دەلىنگەن حابارلامادا.
«الماتى» اۋداندىق ءى ءى ب باسشىسى مارات تولەبايەۆ تاكسي جۇرگىزۋشىسىنە سىياقى رەتىندە تەلەديدار تاپسىردى. ول تاكسي جۇرگىزۋشىسىنىڭ ماقساتتى ارەكەتتەرى، تاپقىرلىعى جانە بەلسەندى ازاماتتىق پوزيتسياسىنىڭ ارقاسىندا بۇل قىلمىس «ءىزى سۋىماي» اشىلعانىن اتاپ ءوتتى.
