ە ا ە و ەلدەرى داعدارىسقا قارسى تۇرا الادى - رەسەيلىك ساراپشى
بۇل تۋرالى بۇگىن ورتالىق كوممۋنيكاتسيالار قىزمەتىندە وتكەن بريفينگتە رەسەي عىلىم اكادەمياسى الەم ەكونوميكاسى جانە حالىقارالىق قاتىناستار ينستيتۋتى ديرەكتورىنىڭ ورىنباسارى گەنناديي چۋفرين ايتتى.
«بيىل العاشقى بەسجىلدىق كەزەڭنەن باستاپ تۇڭعىش رەت ج ءى و-نىڭ شامامەن 3 پايىزعا تومەندەۋى كۇتىلىپ وتىر. جاعداي قانشالىقتى قيىن كورىنگەنىمەن رەسەي دە، ونىمەن بىرگە ەكونوميكالىق وداققا كىرەتىن ەلدەر دە ەشقانداي اۋىرتپاشىلىقتارعا ۇرىنبايتىنىنا سەنىمدىمىن. كەرىسىنشە، مەنىڭ پىكىرىمشە، ولاردا قازىرگى الەمدىك داعدارىسقا قارسى تۇرا الاتىن ماڭىزدى ساياسي جانە ەكونوميكالىق الەۋەت بار»، - دەدى ول.
گ. چۋفريننىڭ سوزىنە قاراعاندا، بۇل داعدارىستىڭ سەبەپتەرى دە تۇسىنىكتى. ولار الەمدىك نارىقتاعى قۇلدىراپ بارا جاتقان جالپى جاعداي، مۇناي مەن شيكىزاتقا باعانىڭ ءتۇسۋى جانە باتىس ەلدەرىنىڭ رەسەيگە قاتىستى سانكتسيالىق ارەكەتتەرى.
«ە ا ە و نەگىزىنە بيىلدىڭ وزىندە جۇزەگە اسا باستايتىن وتە ۇلكەن الەۋەتتىك مۇمكىندىكتەر سالىنعان. ولاردىڭ العاشقىلارى قىزمەت كورسەتۋ، ال باسقالارى ماتەريالدىق ءوندىرىس سالاسىندا»، - دەپ ءتۇسىندىردى ساراپشى.
ونىڭ پىكىرىنشە، ەاەو جاعدايىندا بىزبەن ارىپتەستىككە قىزىعۋشىلىق تانىتىپ وتىرعان ەلدەردەن بولەكتەنبەي، كەرىسىنشە قويان- قولتىق ارالاسۋ وتە ءتيىمدى بولماق.
اۆتور: ءابۋ-اسقار مەكەش ۇلى
