قازاقستانعا ەمىن-ەركىن كولىك اكەلۋ تۋرالى جاڭا ەرەجە الىپ تاستالۋى مۇمكىن
ق ر ينۆەستيتسيا جانە دامۋ مينيسترلىگى تاياۋدا وسىعان قاتىستى قازاقستان رەسپۋبليكاسىنىڭ ىشكى ىستەر مينيسترلىگىنىڭ اكىمشىلىك پوليتسيا كوميتەتىنىڭ وعان دەيىن ايتقان جاڭا ەرەجەسىنەن ايىرماشىلىعى بار ءوز كوزقاراسىن ءبىلدىردى، - دەپ حابارلايدى Kolesa.kz.
ۆەدومستۆونىڭ باسپا ءسوز حابارلاماسىندا كۋالىكتى راسىمدەۋ كەزىندە كولىك قۇرالىنىڭ قاۋىپسىزدىگى بويىنشا تالاپتاردىڭ ورىندالۋى تەكسەرىلەدى، ونىڭ ىشىندە زياندى زاتتاردى شىعارۋ دەڭگەيى دە قارالادى. اۆتوموبيلدىڭ 4 ەكولوگيالىق كلاسسىنداعى (ەۆرو-4) ەرەجەگە سايكەس كەلمەۋى كولىك قۇرالىن مەملەكەتتىك تىركەۋگە قابىلداماۋىنىڭ سەبەبى بولا الادى.
ال شەنەۋنىكتەر «جول قوزعالىسى تۋرالى» زاڭ مەن كەدەندىك وداقتىڭ تەحنيكالىق رەگلامەنتىنە قارسى شىعىپ وتىر. ال ءبىر اپتا بۇرىن قازاقستاندا 1- قاڭتاردان باستاپ ە ا ە و ەلدەرىنەن - رەسەي مەن بەلارۋستەن كەلەتىن كولىكتىڭ شىعارىلعان جىلى مەن ەۆرو-4 ەكولوگيالىق نورماسىنا سايكەستىگى بويىنشا شەكتەۋ الىپ تاستالعانى حابارلانعان ەدى. ءسويتىپ، ق ر ءى ءى م اكىمشىلىك پوليتسيا كوميتەتىنىڭ قىزمەتكەرلەرى جاڭا نورمانى ءتۇسىندىرۋ ماقساتىندا ءوز ارىپتەستەرىن وڭىرلەرگە جىبەرگەن ەدى.
«وتاندىق مەملەكەتتىك ورگانداردىڭ مالىمەتتەرىنىڭ سان تۇرلىلىگى رەداكسيانى دا، بارلىق كولىك جۇرگىزۋشىلەردى دە تاڭ قالدىرىپ وتىر، دەسە دە جاڭا تەحنيكالىق رەگلامەنتتىڭ كۇشىنە ەنۋى جوسپارلى تۇردە بولعان ەدى. ينۆەسيتسيا جانە دامۋ مينيسترلىگىنىڭ، زاڭدىق نەگىزى جوق بولسا دا، قازاقستانعا ەسكى كولىكتەردى اكەلۋگە بار كۇشىمەن قارسىلىق كورسەتىپ جاتقانى انىق كورىنىپ تۇر.
ق ر ءى ءى م اكىمشىلىك پوليتسيا كوميتەتى دە جەكە اڭگىمەدە رەسەي مەن بەلارۋستەن كەلەتىن كولىكتەردى ەسەپكە تۇرعىزۋدا شەكتەۋلەردىڭ ەنگىزىلەتىنىن ايتىپ وتىر. ءتيىستى قۇجاتتار دايىندالىپ جاتىر»، - دەپ جازادى Kolesa.kz.
بۇدان كەيىن باسىلىم ق ر ىشكى ىستەر مينيسترلىگىنە سىلتەمە بەرە وتىرىپ، رەسەي مەن بەلارۋستەن اكەلىنەتىن كولىكتىڭ شىعارىلعان جىلى مەن ەكولوگيالىق كلاسسى بويىنشا شەكتەۋدىڭ ازىرشە جوقتىعىن انىقتادى. بۇل تۋرالى تولىق مالىمەت 19- قاڭتاردا ۆەدومستۆونىڭ رەسمي سايتىندا شىقتى.
تاياۋ ۋاقىتتا، دەپ جازادى Kolesa.kz, ق ر ينۆەستيتسيا جانە دامۋ مينيسترلىگى مەن اكىمشىلىك پوليتسيا كوميتەتىنىڭ وكىلدەرى باسپا ءسوز ءماسليحاتىن وتكىزۋگە ۋادە بەردى، وندا بارلىعى دا انىقتالادى.
ك ت ك تەلەارناسى ق ر يندۋستريا جانە ساۋدا مينيسترلىگىنىڭ شەتەلدەن ەۆرو-4 ستاندارتىنا سايكەس كەلمەيتىن اۆتوكولىكتەردى ساتىپ الماۋعا كەڭەس بەرگەنىن حابارلادى. ساراپشىلاردىڭ ايتۋىنشا، ۇلتتىق زاڭناما مەن تەحنيكالىق رەگلامەنتتەردى ازىرشە ەشكىم الىپ تاستاعان جوق جانە شەنەۋنىكتەر ەۋرازيالىق ەكونوميكالىق وداققا كىرگەننەن كەيىن بارلىق نورماتيۆتىك اكتىلەردى راستاۋ پروتسەدۋراسىن بىتىرگەن سوڭ عانا تاپقىر ازاماتتار ءۇشىن ايلا-شارعىلاردى مىندەتتى تۇردە جويادى.
ەۆرو-4 ەكولوگيالىق ستاندارتىنا جانە تەحنيكالىق رەگلامەنتكە سايكەس كەلمەيتىن كولىكتى ساتىپ الماۋ تۋرالى كەڭەستى قازاقستان اۆتوبيزنەس اسسوتسياتسياسى دا ايتىپ وتىر.
tengrinews.kz
