جاپون ۆاليۋتاسى ا ق ش دوللارىنا قانشالىقتى تاۋەلدى؟
الايدا يەن باعامىنىڭ باسەڭسۋى شاعىن كاسىپ يەلەرى مەن قاراپايىم تۇرعىنداردى الاڭداتىپ قويدى. جاپونيانىڭ ءىرى كاسىپورىندارى يەن باعامىنىڭ ءباسىن باقىلاۋدا ۇستاپ وتىر. ولار باتىس ەكونوميكاسىنىڭ اياق الىسىن اڭدىپ باعۋدا. يەننىڭ قۇنسىزدانۋى اسىرەسە ەكسپورتقا باعىتتالعان كورپوراتسيالار ءۇشىن ءتيىمدى. ال شاعىن، ورتا بيزنەس وكىلدەرى ا ق ش نارىعىنىڭ تۇزەلگەنىن قالايدى. «سوندا تابىسىمىز وسەر ەدى» ، - دەيدى كاسىپكەرلەر.
شيگەو يتو، ساۋدا كومپانياسىنىڭ يەسى:
- ەگەر امەريكانىڭ ەكونوميكاسى وسسە، يەن باعامى دا كوتەرىلەدى. بۇل - بۇرىننان قالىپتاسقان ءۇردىس. سوندىقتان مەن امەريكا ەكونوميكاسىنىڭ قايتا قالپىنا كەلگەنىن قالايمىن.
ايتۋ كەرەك، يەن ديەۆالۆاتسياسىن ەل بيلىگى قولدان جاسادى. بۇل - ەكونوميكانى سەرپىلتۋگە باعىتتالعان شارا. يەن باعامىنىڭ تومەندەۋى يمپورتتالاتىن تاۋارلار قۇنىنىنىڭ قىمباتتاۋىنا اكەلدى. سوندىقتان جاپونيالىقتاردى ۋايىمى تۇسىنىكتى. ءبىراق جاپونيالىقتار اراسىندا يەن باعامىنىڭ قۇنسىزدانۋىن قۇپتاپ وتىرعاندار دا بار. يەننىڭ قۇنسىزدانۋى ينۆەستورلار ءۇشىن ءتيىمدى بولماق، ءبىراق ەلدىڭ ورتالىق بانكى جاڭا ەكونوميكالىق ولشەمدەرگە دايىن با؟ بۇل ساۋالدىڭ جاۋابى وسى اپتادا بەلگىلى بولماق. سارسەنبى كۇنى جاپونيا بانكىنىڭ باسشىسى قارجى ساياساتىنىڭ بولاشاعى مەن ەكونوميكانىڭ قاۋقارى جايلى ينۆەستورلارعا ارنايى مالىمدەمە جاسايدى.
