رەسپۋبليكالىق جانە ايماقتىق جۋرناليستەر اراسىندا ۇزدىك سوت قىزمەتتەرىن ناسيحاتتاۋعا بايقاۋ جاريالاندى
بايقاۋدىڭ ماقساتى - سوتتاردىڭ قىزمەتى تۋرالى ازاماتتاردىڭ اقپارات الۋ دەڭگەيىن كوتەرۋ، ولاردىڭ تارتىستى وقيعالاردى قۇقىقتىق ادىسپەن شەشۋگە سەنىمىن ارتتىرۋ، سۋديالاردىڭ تاۋەلسىزدىگىن قامتاماسىز ەتۋ ماسەلەلەرىنە بۇقارالىق اقپارات قۇرالدارىنىڭ نازارىن اۋدارۋ، سۋديا لاۋازىمىنا بىلىكتى كادرلاردى دايىنداۋ.
كونكۋرس «رەسپۋبليكالىق باسپا ءسوز بەتتەرىندە سوت قىزمەتىن ۇزدىك كورسەتۋ» جانە «ايماقتىق باسپا ءسوز بەتتەرىندە سوت قىزمەتىن ۇزدىك كورسەتۋ» اتالىمدارى بويىنشا رەسپۋبليكالىق جانە ايماقتىق باسىلىمدار اراسىندا بولەك وتكىزىلەدى.
كونكۋرسقا قوعامدا زاڭدىلىقتى جانە ءتارتىپتى نىعايتۋداعى سوت قىزمەتى جانە ونىڭ ءرولى، سوت پروتسەستەرىنىڭ تاربيەلىك جانە الدىن-الۋ، پروفيلاكتيكالىق ءرولى، مورالدىق-ادامگەرشىلىك تاقىرىبىنداعى وچەركتەر، سوت تاۋەلسىزدىگىن قامتاماسىز ەتۋ، ولاردىڭ مارتەبەسىن نىعايتۋ ماسەلەلەرى تۋرالى، سونداي-اق قوعام يگىلىگىنە ەڭبەك ەتىپ جاتقان جانداردىڭ مارتەبەلى ەڭبەگىن اشاتىن ماتەريالدار قابىلدانادى.
كونكۋرسقا ۇسىنىلاتىن ەڭبەكتەر 2014-جىلعى 1- اقپاننان 2015-جىلدىڭ 20- ناۋرىزعا دەيىنگى ارالىق قوسا ەسەپتەلگەن كەزەڭدە باسپا ءسوز بەتتەرىندە جاريالانعان بولۋى ءتيىس. جۇمىستار قازاق جانە ورىس تىلدەرىندە قابىلدانادى.
رەسپۋبليكالىق كونكۋرستىڭ قورىتىندىسىن شىعارۋعا رەسپۋبليكالىق قازىلار القاسى قۇرىلادى، ال ايماقتىق ب ا ق ءۇشىن وبلىستىق قازىلار القاسى قۇرىلادى، ولاردىڭ قۇرامىنا سوت قاۋىمداستىعىنىڭ، جۋرناليستەر وداعىنىڭ جانە «ءادىل ءسوز» قورىنىڭ وكىلدەرى كىرەدى. بايقاۋ قورىتىندىسى 2015-جىلدىڭ ءساۋىر ايىندا شىعارىلادى.
رەسپۋبليكالىق جانە وبلىستىق قازىلار القاسى ءۇش جۇلدەلى ورىندى انىقتاپ، جەڭىمپازداردى ماراپاتتايدى. ءبىرىنشى ورىنعا - 250 مىڭ تەڭگە، ەكىنشى ورىنعا - 150 مىڭ تەڭگە، ءۇشىنشى ورىنعا - 100 مىڭ تەڭگە كولەمىندە سىياقى بەلگىلەندى.
وبلىستىق قازىلار القاسى ماراپاتتاۋ مولشەرى مەن ءتۇرىن وزدەرى انىقتايدى. رەسپۋبليكالىق جانە وبلىستىق قازىلار القاسى اقشالاي سىيلىقتاردان بولەك، جەڭىمپازدارعا باسقا ىنتالاندىرۋ سىيلارىن بەلگىلەۋى مۇمكىن.
