قىتاي دۇكەندەرىندە ساۋدا جاساعان تۋريستەرگە سالىقتىق تولەمدەر قايتارىلىپ بەرىلمەك

ەندى قىتاي دۇكەندەرىندە ساۋدا جاساماق بولعان شەتەلدىك تۋريستەر وسى ەلدە جۇمساعان قاراجاتىنان %11 كولەمىندەگى سالىق تولەمىن قايتارىپ الا الادى. بۇل جاڭاشىلدىق ءبىر دۇكەندە 500 يۋاننان ($81) ارتىق سوماعا ساۋدا جاساعاندا قولدانىلادى. سالىق تولەمدەرى ق ح ر اۋماعىندا 183 كۇننەن ارتىق بولمايتىن تۋريستەرگە قايتارىلادى.

سالىقتى قايتارۋ كيىم، اياق كيىم، كوسمەتيكا ونىمدەرى، ساعاتتار، زەرگەرلىك بۇيىمدار، ەلەكترونيكا، كەڭسە زاتتارى جانە سپورتتىق تاۋارلار مەن مەديتسينالىق قۇرالداردى جانە جيھازدار ساتىپ العان كەزدە 90 تاۋلىك ىشىندە جۇزەگە اسىرىلادى.

ەگەر تۋريستىڭ ساتىپ العان تاۋارلارىنىڭ قۇنى 10000 يۋاننان (شامامەن $1610) اسپايتىن بولسا، وندا تۋريست سالىقتىق قايتارىمدى قولما-قول اقشا تۇرىندە نەمەسە بانكتەگى ەسەپشوتىنا اۋدارۋ ارقىلى الا الادى. ەگەر ساتىپ الىنعان تاۋارلارىنىڭ قۇنى 10000 يۋاننان اسىپ كەتەتىن بولسا، وندا مۇنداي تولەمدى قايتارۋ تەك بانكتەگى ەسەپشوت ارقىلى جۇزەگە اسىرىلادى.

بۇل شەشىم ەلدەگى سالىق جۇيەسىن وڭتايلاندىرۋ جانە تۋريزمدى دامىتۋ ماقساتىندا قابىلدانىپ وتىر.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى