قورىقتاعى بۇعىلاردى اتىپ ولتىرگەن س ق و تۇرعىنىنىڭ ۇستىنەن قىلمىستىق ءىس قوزعالدى
بۇل تۋرالى س ق و ءى ءى د-نىڭ باسپا ءسوز قىزمەتىنەن حابارلادى.
«14 - قاڭتاردا قورىقتا كەزەكشىلىك جۇرگىزگەن «كراسنىي بور» مەملەكەتتىك مەكەمەسىنىڭ ديرەكتورى قاردىڭ ۇستىندە ىزدەردى بايقاپ، ۋچاسكەلىك پوليتسيا قىزمەتكەرىن شاقىرتتى. كەلىپ جەتكەن تەرگەۋ- جەدەل توبى پوليتسيانىڭ تابيعاتتى قورعاۋ پوليتسياسىنىڭ ينسپەكتورى جانە كينولوگ ينسپەكتورمەن بىرگە قاراعاش اۋىلىنىڭ ماڭىندا، جولدان شامامەن 200 مەتر جەردە ەكى بۇعىنىڭ تۇتاس ەتىن تاپتى. جابايى جانۋارلار اتىلعان، الىپ كەتۋ ءۇشىن مۇشەلەنگەن»، - دەپ اقپاراتتاندىردى ەسىل ا ءى ءى ب-نىڭ باستىعى اباي تاستەمىروۆ.
وتكىزىلگەن جۇمىس، سونداي-اق كۋاگەرلەردەن سۇراستىرۋ ناتيجەسىندە ءتارتىپ ساقشىلارى سول كۇنى اڭشىلىققا شىققان قاراعاش اۋىلىنىڭ تۇرعىنىن انىقتادى.
ەر ادام «كراسنىي بور» مەملەكەتتىك مەكەمەسىنىڭ قورعاۋعا الىنعان اۋماعىنا دەيىن اتپەن جەتىپ، وزىمەن بىرگە «ي ج-17» تەگىس وقپاندى مىلتىعىن الا كەلگەن. قورىق اۋماعىندا بۇعىلاردى كورەدى. ۇستالعان ازاماتتىڭ ايتۋىنشا، ءبىرىن سول جەردە اتىپ ولتىرسە، ەكىنشىسىن قۋىپ ءجۇرىپ ۇستاعان.
جانۋارلاردىڭ تۇتاس ەتىن ورماندا قالدىرعان ەر ادام ونى الىپ كەتۋ ءۇشىن شانامەن ورالدى. ونىڭ ايتۋىنشا، بۇعىلاردىڭ ەتىن بولشەكتەگەن كەزدە اۋىلدا پوليتسەيلەردىڭ جۇرگەنىن ەستىپ، جاۋاپكەرشىلىكتەن قورىققان. وزىنە ءتۇسۋى مۇمكىن كۇدىكتەن ارىلتۋ ءۇشىن، ول تاڭەرتەڭ ەرتە ەتتى دالاعا اپارىپ، جولشىباي مىلتىعىن لاقتىرىپ جىبەرگەن.
41 جاستاعى ەر ادامعا قاتىستى ق ر ق ك-نىڭ 337-بابىمەن («زاڭسىز اڭ اۋلاۋ» ) قىلمىستىق ءىس قوزعالدى. قازىرگى كەزدە ءتارتىپ ساقشىلارى كەلتىرىلگەن شىعىننىڭ مولشەرىن ەسەپتەۋدە.
