استانادا سىنىپتاسىن ولتىرگەن مەكتەپ وقۋشىسى جازاعا تارتىلمايدى
«ق ر ق ك 16-بابىنا سايكەس، كىسى ولتىرگەنى ءۇشىن قىلمىستىق جاۋاپكەرشىلىككە قىلمىستىق قۇقىقبۇزۋشىلىقتى جاساعان ۋاقىتىندا 14 جاسقا جەتكەن تۇلعا تارتىلادى. كامەلەت جاسىنا تولماعان ولجاحان (كۇدىكتى - اۆت. ) 2001 - جىلى 17 - ساۋىردە دۇنيەگە كەلگەن جانە قىلمىس جاساعان ۋاقىتىندا قىلمىستىق جاۋاپكەرشىلىككە تارتىلاتىن جاسقا جەتپەگەن، وسىعان بايلانىستى سوتقا دەيىنگى تەرگەۋ توقتاتىلدى»، - دەپ حابارلادى استانا پروكۋراتۋراسىنىڭ وكىلدەرى رەداكتسيا ساۋالىنا جاۋابىندا.
تەرگەۋ كەزىندە ولجاحاننىڭ «ويدا جوقتا سىنىپتاسىمەن قاستىق قارىم- قاتىناس تۋىپ، ونى تەرگەۋ كەزىندە انىقتالماعان پىشاقپەن ۇرعان». بۇدان كەيىن ەكىنشى بالا قايتىس بولدى.
پروكۋراتۋرا وكىلدەرى استانانىڭ دەنساۋلىق ساقتاۋ جانە ءبىلىم بەرۋ سالالارىنداعى قىزمەتتىك تۇلعالاردىڭ ءوز مىندەتتەرىن لايىقتى تۇردە ورىنداماعانىن اتاپ ءوتتى. ولار استانالىق پسيحيكالىق دەنساۋلىق ماسەلەلەلەرى جونىندەگى مەديتسينالىق ورتالىقتىڭ ەسەبىندە تۇرعان ولجاحاندى جالپى ءبىلىم بەرۋ باعدارلاماسىنا قوسقان. بۇل دەرەك قالالىق ىشكى ىستەر دەپارتامەنتىنىڭ سوتقا دەيىنگى تەرگەۋدىڭ ءبىرىڭعاي رەەسترىندە ق ر ق ك 371-بابىنىڭ 2-تارماعىمەن تىركەلدى، سوتقا دەيىنگى ءوندىرىس ق ر ىشكى ىستەر مينيسترلىگىنىڭ تەرگەۋ دەپارتامەنتىنە جىبەرىلدى.
ەسكە سالا كەتەيىك، بۇل وقيعا استاناداعى №76 مەكتەپ- ليتسەيدە تاريح ءپانى ساباعىندا بولدى. 13 جاستاعى بالا سىنىپتاسىن كەۋدە تۇسىنان بىلگىسىز زاتپەن ۇرعان. 8-سىنىپ وقۋشىسى العان جاراقاتىنان «جەدەل جاردەم» كولىگىندە قايتىس بولدى.
مەكتەپ ديرەكتورىنىڭ ايتۋىنشا، وقۋشىلار اراسىندا توبەلەس پەن دورەكى ۇرىس- كەرىس بولماعان، ولار جاي عانا ءوزارا كەلىسپەي قالعان. كەيىن سىنىپتاسىن ولتىرگەن بالانىڭ پسيحيكالىق اۋىتقۋى بولعانى جاريا ەتىلدى. العاشىندا ول ءوزىنىڭ سىنىپتاسىن قالامساپپەن ۇردى دەپ حابارلانسا، كەيىن بەلگىسىز زاتپەن ۇرعاندىعى تۋرالى ايتىلدى.
ەسكە سالا كەتەيىك، بۇل وقيعا استاناداعى №76 مەكتەپ-ليتسەيدە تاريح ءپانى ساباعىندا بولدى. الدىن الا مالىمەت بويىنشا، 13 جاستاعى بالا سىنىپتاسىن كەۋدە تۇسىنان قالامساپپەن ۇردى دەلىندى، ءبىراق كەيىن ونىڭ انىقتالماعان زات ەكەنىن ايتىلدى. 8-سىنىپ وقۋشىسى العان جاراقاتىنان «جەدەل جاردەم» كولىگىندە قايتىس بولدى.
مەكتەپ ديرەكتورىنىڭ ايتۋىنشا، وقۋشىلار اراسىندا توبەلەس پەن دورەكى ۇرىس-كەرىس بولماعان، ولار جاي عانا ءوزارا كەلىسپەي قالعان. كەيىن سىنىپتاسىن قالامساپپەن ولتىرگەن بالانىڭ پسيحيكالىق اۋىتقۋى بولعانى جاريا ەتىلدى. وقيعادان كەيىن مەكتەپتىڭ ديرەكتورىنا سوگىس جاريالاندى.
