استانادا تەاتر سىنشىسى اشىربەك سىعايدى ەسكە الۋ كەشى وتەدى
ق ر مەملەكەتتىك سىيلىعىنىڭ، «قۇرمەت» وردەنىنىڭ يەگەرى، «پلاتينالى تارلان» سىيلىعىنىڭ لاۋرەاتى، پروفەسسور، اۋدارماشى، پەداگوگ اشىربەك تورەباي ۇلى سىعايعا ارنالعان ەسكە الۋ كەشى وتەدى.
بۇل تۋرالى ەلوردا اكىمدىگىنىڭ رەسمي سايتىنان حابارلادى.
كەش بارىسىندا سانالى عۇمىرىن ۇلتتىق مادەنيەتىمىز بەن ءتول ونەرىمىزدىڭ دامۋى جولىندا زور ەڭبەك ەتىپ، ارتىندا مول مۇرا، وشپەس ءىزىن قالدىرىپ كەتكەن سىنشى تۇلعانىڭ ءومىرى مەن ونەرى جايىندا ۇزەڭگى دوستارى مەن ارىپتەستەرى، قازاق زيالىلارى مەن شاكىرتتەرى ءوز ەستەلىكتەرىنەن سىر شەرتەدى.
20 عا جۋىق كىتاپ، ءار ءتۇرلى وزەكتى تاقىرىپتارعا 1 مىڭنان استام ماقالا جازعان ونەر قايراتكەرى اشىربەك تورەباي ۇلى ءومىرىنىڭ سوڭعى جىلدارىندا ونەر ورداسى قازاق ۇلتتىق ونەر ۋنيۆەرسيتەتىندە ۇستازدىق ەتتى. بىلىكتى مامان «ەس- ايماق» اتتى مادەني- تانىمدىق پىكىرتالاس بىرلەستىگىنىڭ نەگىزىن قالاپ، «شابىت» جۋرنالىنىڭ شىعۋىنا ۇيتقى بولدى.
ەسكە الۋ كەشىنە ايمان مۇساقوجايەۆا، ساۋىتبەك ءابدىراحمانوۆ، كەڭەس دۇيسەكەيەۆ، تالعات تەمەنوۆ سەكىلدى ونەر مايتالماندارى قاتىسادى.
